Carl Friedrich Lottner, nado o 20 de xuño de 1834 en Berlín e finado o 15 de abril de 1873 en Dublín, foi un lingüista e profesor de ensino medio xermano-irlandésDeutsche Biographie: Lottner, Carl Friedrich. Traxectoria Lottner era fillo dun Jusitiars e irmán de Heinrich Lottner. Os dous fillos do Conselleiro xudicial, Franz August Lottner (1796-1836) e Juliane Caroline Wilhelmine Lottner, nada SanderRudolf Vierhaus (Hrsg.): Deutsche Biographische Enzyklopädie; Kraatz - Menges. Walter de Gruyter, Berlin 2006, ISBN 3-1109-4027-2, p. 568.. Lottner estudou dende 1851 a 1854 na Universidade de Berlín, Filoloxía e Lingüística Comparada con Franz Bopp e Jacob Grimm. Despois dos seus estudos, comezou a traballar como profesor de ensino secundario, pero intentou conseguir unha carreira universitaria. Deixou o Reino de Prusia, e estableceuse desde 1858 en Edimburgo. Un ano máis tarde, mudouse a Londres, e, finalmente, a partir de 1860 ata a súa morte ao Trinity College de Dublín (Reino Unido de gran Bretaña e Irlanda), para ser profesor. Alí, asumiu a praza vacante de sánscrito, que ocupara ata a súa morte Rudolph Thomas Siegfried (1830-1863), procedente de Dessau. Ao mesmo tempo, Lottner traballou a media xornada como bibliotecario. A súa vida dedicouna case totalmente ao seu traballo científico. O seu interese especial foi para moitas linguas indoeuropeas. Pero tamén lles prestou atención á escrita cuneiforme e ás linguas africanas e asiáticas.
Formulou en 1861Carl Friedrich Lottner: Celtisch-italisch. Beiträge zur vergleichenden Sprachforschung auf dem Gebiete der Arischen, Celtischen und Slawischen Sprachen 2 (1861), pp. 309-321. a hipótese dunha relación máis próxima entre o grupo lingüístico italo-céltico dentro do (hipotético) protoindoeuropeo (PIE). O seu traballo "Ausnahmen der ersten Lautverschiebung“ (1862) facilitoulle a Friedrich Max Müller correlacións fundamentais no seu exame da Lei de Grimm no seu "Lectures on the Sciences of Languages" (1864). Obras (selección) Die altirischen verbalclassen. Beiträge zur vergleichenden Sprachforschung auf dem Gebiete der arischen, celtischen und slawischen Sprachen 2 (1861), 322– 329 Celtisch-italisch. Beiträge zur vergleichenden Sprachforschung auf dem Gebiete der Arischen, Celtischen und Slawischen Sprachen 2 (1861), S. 309-321. Ausnahmen der ersten Lautverschiebung (1862) Traces of the Italic imperfect in the Keltic languages. Transactions of the Philological Society, (1859), S. 31-34; Ueber die Stellung der Italer innerhalb des indoeuropäischen Stammes (Schluss). Zeitschrift für vergleichende Sprachforschung auf dem Gebiete des Deutschen, Griechischen und Lateinischen, Volume 7. (1858), S. 161–193 Carl Friedrich Lottner, Rudolf Thomas Siegfried: On The Gaulish Inscription Of Poitiers: Containing A Charm Against The Demon Dontaurios University Press by M.H. Gill, Dublin 1863, Neuaufl. Kessinger Publishing, LLC (2010) Notas
Véxase tamén Bibliografía Death of Dr. Lottner. Professor of Sanskrit and assistant librarian, Trinity College, Dublin. The Irish builder, Vol. XV, No. 321, p. 128, May 1, 1873 Peter Fox: Trinity College Library Dublin: A History. Cambridge University Press, Cambridge 2014, ISBN 1-1399-5222-6, S. 196
Categoría:Nados en 1834 Categoría:Finados en 1873 Categoría:Indoeuropeístas Categoría:Nados en Berlín Categoría:Personalidades sen imaxes