José Veloso Mayo, coñecido como Trotsky, nado en Muros cara a 1886, foi un político galego.
Traxectoria Veciño de Esteiro e carpinteiro. Militante de Izquierda Republicana. Logo do triunfo da Fronte Popular en febreiro de 1936 foi nomeado concelleiro de Muros e cando se produciu o golpe de Estado do 18 de xullo de 1936 era o alcalde interino de Muros. Logrou fuxir a Bilbao nos bous Santa Eulalia e Santa Rosa.
Combateu no exército republicano. Foi detido en Santander. Prisioneiro de guerra, foi enviado ao Batallón de Traballadores número 26. Xulgado na Coruña por rebelión, fora declarado en rebeldía, e ao ser detido retómase o seu procesamento, sendo condenado á pena de morte, que foi conmutada por cadea perpetua, que finalmente quedou reducida a 12 anos de reclusión menor. Cumpriu condena nos Talleres Penitenciarios de Alcalá de Henares onde lle foi concedida a liberdade provisional sen a liberación do desterro en 1943.BOE, 16-8-1943, p. 7979.
Notas
Categoría:Alcaldes de Muros Categoría:Alcaldes de Galicia por Izquierda Republicana Categoría:Alcaldes de Galicia durante a II República Categoría:Represaliados polo franquismo Categoría:Nados en Muros Categoría:Nados en 1886 Categoría:Finados en ano descoñecido
Categoría:Personalidades de Galicia sen imaxes