Domingo Blanco Pérez, nado en Cariño en 1947, é un filólogo galego, especialista en poesía popular galega.

Traxectoria Doutorouse en Filoloxía en 1990 pola Universidade de Santiago de Compostela coa tese Contribución ó estudio da literatura popular en Galicia; o papel das clases letradas na valoración e transmisión da literatura popular en verso en Galicia entre 1746 e 1886, dirixida por Antón Santamarina.

Foi profesor en Zürich e despois profesor no IES República Oriental do Uruguai, no Barrio das Flores, en Teis, Vigo.

Obra Publicou, entre outros medios, en Grial; EDUGA, Revista Galega do Ensino; Verba e no Boletín Galego de Literatura e participou en varias obras colectivas. Porén, entre a súa obra principal pódese destacar: A poesía popular en Galicia, 1745-1885, recompilación, estudo e edición crítica. 1992, Xerais, ISBN 84-7507-684-X. ——— Volume II. ISBN 84-7507-685-8 Historia da literatura popular galega, 1994, Servizo de Publicacións e Intercambio Científico da USC, ISBN 978-84-8121-130-6.Imaxe da portada de: Historia da literatura popular galega Escolma de literatura popular galega, 1996, Asociación Socio-Pedagóxica Galega, Edicións A Nosa Terra, ISBN 84-89679-13-4. Edición, introdución, notas e glosario en Colección de cantares gallegos, de José Casal Lois, 2001, Consello da Cultura Galega.Baixar publicación. Colección de Cantares Gallegos CCG. Poesía popular galega, Biblioteca Galega 120, La Voz de Galicia, 2002, ISBN 84-88254-81-4. «A Biblioteca 120 recupera as mellores cantigas da poesía popular galega»Internet Archive.

Recoñecementos Foi Premio á Investigación da Deputación de Pontevedra, 1990, por: "Xosé Casal Lois e a súa aportación á literatura popular galega"

Notas

Véxase tamén Bibliografía

Ligazóns externas Ficha do autor na páxina da Editorial Xerais.

Categoría:Escritores de Galicia en lingua galega Categoría:Alumnos da Universidade de Santiago de Compostela Categoría:Nados en Cariño Categoría:Nados en 1947 Categoría:Artigos creados co asistente para a creación de artigos Categoría:Personalidades de Galicia sen imaxes