260px|miniatura|O río Prípiat ao seu paso por Mazir, Belarús O río Prípiat, tamén transcrito ás veces como Prypiat ou Pripyat (en belaruso: Прыпяць, IPA [ˈprɨpʲatsʲ]; en ucraíno: Прип’ять, IPA [ˈprɪpjɑtʲ] é un dos principais afluentes do río Dniéper, o máis importante por conca, que nace en Ucraína e pouco despois entra en Belarús, onde discorre en dirección leste, volvendo a entrar en Ucraína pouco antes de desembocar no Dniéper. Ten unha lonxitude de 710 km e unha conca hidrográfica de 121.000 km².
As principais cidades que atravesa son Pinsk e Mazir. Tamén cruza a zona de exclusión establecida ao redor da central nuclear de Chernóbil, o lugar onde se produciu o accidente de Chernóbil. É, polo tanto, un río contaminado con radioisótopos no que a concentración de cesio-137 nos seus sedimentos segue incrementándose. A cidade de Prípiat, cunha poboación de 45.000 habitantes, tivo que ser evacuada completamente despois do desastre de Chernóbil e é hoxe unha cidade fantasma.
Véxase tamén
Outros artigos Marismas de Pinsk, en Polesia. Parque nacional Pripyatski. Río Dniéper. Prípiat Accidente de Chernóbil.
Ligazóns externas Pripyat: Radioactive pollution, 2003 (Prípiat: contaminación radioactiva, 2003)
Categoría:Ríos de Belarús Categoría:Ríos de Ucraína