Venus casina Linnaeus, 1758 é unha especie de molusco bivalvo heterodonte da orde dos veneroides e familia dos venéridos.
Catacterísticas Ten a cuncha moi grosa e sólida, globosa, equivalva e inequilateral, coas valvas cunha escultura formada por costelas concéntricas, moi semellante á de Venus verrucosa, pero máis aplanada, coas costelas lamelosas e non tuberculadas e a coloración máis ben amarelada ou con manchas de cor parda avermellada, sendo ademais de menor tamaño, pois non alcanza máis dos 40 mm de diámetro máximo.Rolán e Otero (1996), p. 250.
Distribución Venus casina habita nas costas do Atlántico nororiental, desde as illas Británicas até as do sur de Marrocos (Agadir), incluíndo as illas Azores, e o mar Mediterráneo.Venus casina Linnaeus, 1758 no WoRMS. (Consultado o 22-11-2013).
En Galicia é unha especie pouco abundante, encontrándose nas rías do Golfo Ártabro e as de Arousa, Pontevedra e Vigo.
Bioloxía Habita en fondos de areas limpas da rexión infralitoral, e é unha especie que se alimenta por filtración das partículas orgánicas que están en suspensión na auga.
Notas
Véxase tamén
Bibliografía Hubler, M. (2010): Compendium of bivalves. A full-color guide to 3,300 of the World’s Marine Bivalves. A status on Bivalvia after 250 years of research. Hackenheim, Germany: ConchBooks. ISBN 978-3-939767-28-2. Rolán, R. e Jorge Otero-Schmitt (1996): Guía dos moluscos de Galicia. Vigo: Editorial Galaxia. ISBN 84-8288-072-1.
Outros artigos Bivalvos Heterodontes Veneroides Venéridos Lista de bivalvos de Galicia
Ligazóns externas Venus casina en EOL.
Categoría:Veneroideos Categoría:Moluscos de Galicia Categoría:Animais descritos en 1758