Hirundapus caudacutus — птушка сямейства свіргулёвых.
Апісанне Буйны свіргуль. Цела даўжынёй 19—22 см. Маса 100—175 г. Крыло 19,8—22,0 см. Размах крылаў 48—55 смВ. К. Рябицев. Птицы Урала, Приуралья и Западной Сибири. М., 2001.. У адрозненне ад іншых свіргулёў, мае хвост без выемкі, прама абрэзаны, стрыжань кожнага рулявога пяра выступае на 3—5 мм вонкі ў выглядзе іголачкіВторов, П., Дроздов, Н. Определитель птиц фауны СССР. М., 1980.. Лоб, горла і падхвосці ў дарослых птушак белага колеру. Крылы доўгія, серпападобныя. Афарбоўка крылаў чорная або цёмна-бурая з металічным бляскам і зялёным адлівам. На трэцярадных махавых пёрах падоўжаныя белыя плямы.
Спіна глініста-шэрая, светла-бурая. Валлё, грудзі і брушка чорна-бурыя. На нагах 3 пальцы накіраваныя наперад, а 1 — назад, цэўка не аперана.
Маладыя птушкі здалёк неадрозныя ад дарослых, але адрозніваюцца больш бляклым апярэннем са слабым адлівам і больш вузкай белай палоскай, якая аблямоўвае брушка.
Пашырэнне Разарваны арэал. Адна частка арэала размяшчаецца ў Паўднёвай і Паўднёва-Усходняй Азіі, іншая размяшчаецца на поўдні Далёкага Усходу і Сібіры — ад Паўночна-Усходняга Алтая да Сахаліна, на захад — да Томскай вобласці. На тэрыторыі Расіі вельмі рэдкі від, хоць месцамі звычайны.
Засяляе лясы і гаі са старымі дуплістымі дрэвамі, лясныя месцапражыванні ў спалучэнні з лугамі, высечкамі, адкрытымі прасторамі. Ахвотна селіцца каля вадаёмаў.
Асаблівасці біялогіі Дрэнна вывучаны. Пералётная птушка. Прылятаюць у канцы мая. Трымаецца ў паветры чародамі, ніколі не садзіцца на зямлюБёме Р. Л., Кузнецов А. А. Птицы лесов и гор СССР. М.: «Просвещение», 1981. 223 с., ил., 24 л. ил.. Палёт вельмі хуткі, імклівы. Лічыцца самай хуткай птушкай у фаўне Расіі, развівае хуткасць да 160 км/г. Крык не гучны, бразгатлівы, у адрозненне ад іншых відаў свіргулёў — маўклівыя. Адлятаюць у верасні, зімуюць у Аўстраліі.
Гняздуецца ў дуплах дрэў на рознай вышыні. Дупло можа быць глыбокім, дасягаючы некалькіх метраў. У кладцы 3-7 белых яек памерам 30-35 х 21-24 мм. Дарослыя птушкі не выносяць з гнёздаў шкарлупіну і памёт птушанят.
Зноскі
Літаратура Второв П. П., Дроздов Н. Определитель птиц фауны СССР. М., 1980. Рябицев В. К. Птицы Урала, Приуралья и Западной Сибири. М., 2001. Бёме Р. Л., Кузнецов А. А. Птицы лесов и гор СССР. М.: «Просвещение», 1981. 223 с., ил., 24 л. ил.
Спасылкі База данных «Позвоночные животные России»: иглохвостый стриж
Катэгорыя:Птушкі Азіі Катэгорыя:Свіргулепадобныя Катэгорыя:Жывёлы, апісаныя ў 1801 годзе