Васі́ль Фёдаравіч Маркоўкін (, с. Амеліна, Фролаўскі раён, Сталінградская вобласць, РСФСР — , ) — беларускі дзяржаўны дзеяч, былы начальнік Галоўнага ўпраўлення пагранічных войскаў Рэспублікі Беларусь (1994—1996), генерал-маёр.
Біяграфія Нарадзіўся 1 верасня 1938 года ў с. Амеліна Фралоўскага раёна Сталінградскай вобласці РСФСР.
Скончыў Маскоўскае пагранічнае ваеннае вучылішча КДБ пры СМ СССР (1962), выведвальны факультэт Ваеннай акадэміі імя М. В. Фрунзе (1973).
13 кастрычніка 1957 года быў прызваны Фралоўскім РВК Валгаградскай вобласці і праходзіў тэрміновую ваенную службу на пасадах стралка, малодшага кантралёра КПП «Чыгуначны» 95 пага Заходняга ПА КДБ пры СМ СССР.
У пагранічных войсках Рэспублікі Беларусь з мая 1992 года, праходзіў службу на пасадах намесніка начальніка штаба Галоўнага ўпраўлення пагранічных войскаў пры Савеце Міністраў РБ, начальніка Смаргонскага пагранатрада.
З 26 верасня 1994 па 13 лістапада 1996 года з’яўляўся начальнікам Галоўнага ўпраўлення пагранічных войскаў Рэспублікі Беларусь.Указ Прэзідэнта Рэспублікі Беларусь ад 26 верасня 1994 № 124 «Аб прызначэнні В. Ф. Маркоўкіна Начальнікам Галоўнага ўпраўлення пагранічных войскаў Рэспублікі Беларусь»Указ Прэзідэнта Рэспублікі Беларусь ад 4 верасня 1996 г. № 354 «Аб вызваленні В. Ф. Маркоўкіна ад пасады Начальніка Галоўнага ўпраўлення пагранічных войскаў Рэспублікі Беларусь і звальненні яго з ваеннай службы ў запас»
Памёр 29 кастрычніка 2010 года ў выніку цяжкай хваробы. Пахаваны ў Мінску на Усходніх могілках.
Узнагароды Ордэн Чырвонай Зоркі Медаль «За бездакорную службу» I ступені Медаль «За бездакорную службу» II ступені Медаль «За бездакорную службу» III ступені Медаль «За адзнаку ў ахове Дзяржаўнай мяжы СССР» Медаль «Ветэран Узброеных Сіл СССР» Медаль «За вайсковую доблесць» Медаль МНР «60 гадоў Мангольскай Народнай Арміі»
Памяць Загадам Старшыні Дзяржаўнага пагранічнага камітэта 3 чэрвеня 2011 года № 318 залічаны Ганаровым пагранічнікам ў вайсковую частку 2044.
У яго гонар 27 мая 2011 года ў вайсковай часці 2044 адкрыта мемарыяльная дошка.Адкрылі мемарыяльную дошку ў гонар першага камандзіра
Спасылкі Старонка на сайце Дзяржаўнага пагранічнага камітэта .
Катэгорыя:Генерал-маёры Катэгорыя:Пахаваныя на Усходніх могілках Мінска