Яламіца (рака)

Я́ламіца ()— рака ў Румыніі, левы прыток ракі Дунай.

Даўжыня ракі 414 км, плошча вадазборнага басейна 8,9 тыс. км². Пачынаецца ў Паўднёвых Карпатах, цячэ па Ніжнедунайскай раўніне. Асноўны прыток — рака Прахава (левы). Веснавое разводдзе, асобныя летнія дажджавыя паводкі. Сярэдні расход вады каля 70 м³/с. Выкарыстоўваецца на арашэнне.

На Яламіцы — гарады Тыргавіштэ, Слабазія.