Ля Трае́цкага (; таксама вядомы як «Дом Чыжа») — шматпавярховы жылы дом прэміум-класу на вуліцы Старажоўскай у Мінску.
Апісанне Комплекс зроблены як працяг 12-павярховага шматсекцыйнага жылога дома, так званай «Панарамы», з частковым павышэннем забудовы, з улікам убудаваных аб’ектаў да 25 паверхаў, з прыступкавым падзеннем пры набліжэнні да Траецкага прадмесця да 7 паверхаў, з утварэннем на перападах шматлікіх пентхаусаў, раскрытых у бок Свіслачы.
У комплексе налічваецца 235 кватэр з метражом ад 57 да 332 кв. м. Гараж-стаянка комплексу разлічана на 316 месцаўМиллионеры ждут дом у Троицкого.
Аўтар праекта — архітэктар Алег Ладкін, забудоўшчык — кампанія «Трайпл».
Крытыка
Збудаванне шматпавярховага будынка ў непасрэднай блізкасці да Траецкага прадмесця і гістарычнага цэнтра Мінска ў цэлым выклікала абурэнне грамадскасці і архітэктурнай супольнасці. Так, дэкан архітэктурнага факультэта БНТУ Армэн Сардараў і загадчык кафедры Архітэктуры жылых і грамадскіх будынкаў Сяргей Сергачоў, абодва дактары архітэктуры, назвалі з’яўленне гэтай «махіны» памылкай і трагедыяй беларускай архітэктуры, следствам горадабудаўнічай усёдазволенасці. Імі была выказана занепакоенасць тым, што яна знішчыла значнасць Траецкага прадмесця і Опернага тэатра«Маяк Мінска»: беларускі Дубай ці нью-васюкі (меркаванні экспертаў). Галоўны архітэктар «Мінскпраекта» Міхаіл Гаўхфельд лічыць, што будынак разам з забудовай праспекта Пераможцаў насупраць «Мінск-Арэны» збудаваны папярок зялёнага дыяметра і такім чынам перакрываюць патокі пануючых вятроў і свежага паветра, якія ідуць ад Заслаўя да цэнтра горада, што спрыяе з’яўленню смогу і забруджанню паветраВодна-зялёная артэрыя Мінска ў небяспецы. Старшыня Беларускага добраахвотнага таварыства аховы помнікаў гісторыі і культуры Антон Астаповіч заявіў, што пры будаўніцтве ЖК «Ля Траецкага» былі найгрубейшым чынам парушаны некалькі артыкулаў Закона аб ахове гісторыка-культурнай спадчыны, так, напрыклад, была знішчана гісторыка-планіровачная структура квартала, ландшафт, застаўся без вывучэння, якое прадугледжана законам, культурны пласт. Паводле яго меркавання, у будучыні трэба ставіць пытанне пра знос комплексуЖилой дом «У Троицкого»: слава Эйфелевой башни или архитектурный провал (мнения экспертов).
15 студзеня 2013 года Прэзідэнт Беларусі Аляксандр Лукашэнка на прэс-канферэнцыі для прадстаўнікоў беларускіх і замежных СМІ прызнаўся ў тым, што яму таксама «не вельмі падабаецца» комплекс «Ля Траецкага»Лукашенко признался, что ему не нравится жилой дом «У Троицкого».
З іншага боку аўтар праекта Алег Ладкін параўнаў сваё тварэнне з Эйфелевай вежай, якую спачатку таксама многія ўспрынялі неадназначна, і выказаў меркаванне, што кантраст паміж старым і новым толькі падкрэсліў гістарычную забудову. Аўтара праекта падтрымаў тагачасны галоўны архітэктар Мінска Аляксандр Пятроў, аднак заўважыў, што эстэтыку будынка ён да канца зразумець не можаГалоўны архітэктар Мінска: «Непрывабных раёнаў у сталіцы няма!».
21 студзеня 2013 года міністр культуры Барыс Святлоў зацвердзіў Праект зоны аховы гісторыка-культурнай каштоўнасці — гістарычнага цэнтра Мінска, які прызнаў, што жылы комплекс Ля Траецкага і яшчэ шэсць аб’ектаў, у лік якіх трапіў і Палац Рэспублікі, з’яўляюцца дысгарманічнымі, парушаюць цэласнасць гістарычных ансамбляў і замінаюць успрыманню каштоўнасцей. Адзначаецца, што гэтыя збудаванні змянілі маштаб забудовы і знішчылі выразнасць сілуэта гістарычнага цэнтра горада, які з’яўляецца геаграфічным і кампазіцыйным ядром МінскаДворец Республики, дом «У Троицкого» и здание МВД признаны дисгармоничными .
Вядомыя жыхары Святлана Алексіевіч — беларуская пісьменніца, лаўрэатка Нобелеўскай прэміі па літаратуры; Сяргей Шыткоўскі — беларускі хакеіст.
Заўвагі
Зноскі
Спасылкі
Жилой дом «У Троицкого»: слава Эйфелевой башни или архитектурный провал (мнения экспертов)
Катэгорыя:Будынкі і збудаванні Мінска Катэгорыя:Жылыя будынкі Беларусі Катэгорыя:З’явіліся ў 2013 годзе Катэгорыя:2013 год у Мінску Катэгорыя:Старажоўская вуліца Катэгорыя:Будынкі і збудаванні Алега Ладкіна