Пы́шна — возера ў Беларусі, у Лепельскім раёне Віцебскай вобласці ў басейне ракі Зеха, за 14 км на паўночны захад ад горада Лепель, на поўдзень ад вёскі Пунішча.
Плошча паверхні возера 0,34 км². Даўжыня 1,4 км, найбольшая шырыня 0,43 км найбольшая глыбіня дасягае 5,2 м, сярэдняя каля 3,2 м. Плошча вадазбору 20,9 км². Аб’ём вады 1,08 млн м³. Катлавіна Пышна лагчыннага тыпу, выцягнутая з паўднёвага захаду на паўночны ўсход. Схілы катлавіны вышынёй ад 2—3 да 10—12 метраў, спадзістыя. Берагавая лінія звілістая. Берагі сплавінныя, месцамі пясчаныя. Пойма забалочаная, шырынёй ад 10—40 да 700 м (на паўднёвым захадзе і паўночным усходзе). Дно возера выслана сапрапелем. Возера эўтрофнае, слабапраточнае. У Пышна ўпадае ручай з возера Доўгае, на паўночным усходзе выцякае рака Зеха. Зарастае больш за 70 % плошчы возера. Сярод раслін: аер, хвошч, трыснёг, чарот, гарлачыкі, харавыя водарасці.
У возеры водзяцца лешч, акунь, шчупак, лінь, плотка, краснапёрка і іншыя віды рыб.
Літаратура
Ліст карты N-35-46. Выданне 1980 г.
Спасылкі Общая характеристика озёр Витебской области // Справочник «Водные объекты Республики Беларусь» Морфометрические параметры озёр Витебской области // Справочник «Водные объекты Республики Беларусь»
Катэгорыя:Азёры Лепельскага раёна Катэгорыя:Басейн Улы