Дэніз Лі Рычардс (; ) — амерыканская актрыса. Найбольш вядомыя ролі сыграла ў фільмах «Зорны дэсант» (1997) і «Дзікунства» (1998). Адыграла ролю дзяўчыны Бонда ў карціне «І цэлага свету мала» (1999).
Біяграфія Нарадзілася ў горадзе Даўнерс-Гроў (прыгарад Чыкага, Ілінойс), у сям’і Джоні і Ірва Рычардсаў. У яе нямецкія і франка-канадскія карані. У яе ёсць малодшая сястра Мішэль. У 15 гадоў разам з сям’ёй пераехала ў Каліфорнію, дзе скончыла школу El Camino High School у Ашэнсайдзе, Каліфорнія. Яшчэ ў дзяцінстве Дэніз і Мішэль захапіліся кіно.
У 1989 годзе Дэніз адправілася ў Нью-Ёрк, дзе ўладкавалася працаваць мадэллю, падпісаўшы кантракт з агенцтвам Judith Fontaine Modeling & Talent Agency. Праз два гады вярнулася ў Каліфорнію, у Лос-Анджэлес, дзе наведвала акцёрскія курсы і пачала здымацца на тэлешоу і серыялах. Дэбютам Рычардс у вялікім кіно стала невялікая роля ў камедыі «Зараджаная зброя». У 2000-х у асноўным здымалася ў серыялах. У 2004 годзе знялася аголенай для часопіса Playboy.
Найбольш вядомая дзякуючы ролі ў фільме Пола Верховена «Зорны дэсант» (1997), дзе яна сыграла пілота Кармэн Ібаньес, у якую быў закаханы галоўны герой Джоні Рыка.
Роля Дэніз у якасці дзяўчыны Бонда ў карціне «І цэлага свету мала» (1999) была адзначана прэміяй Залатая маліна як найгоршая роля другога плана (1999). Крыніцы
Катэгорыя:Актрысы ЗША