Дорыс Карэва (; ) — эстонская паэтэса і журналістка.
Біяграфія Дорыс Карэва нарадзілася ў сям’і эстонскага кампазітара Хілара Карэва (1931—1992). З 1966 па 1977 год хадзіла ў 7-ю Талінскую школу. Вучачыся ў школе сыграла ролю ў фільме «Лясная легенда» (1968).
З 1977 па 1983 год вывучала лінгвістыку і літаратуразнаўства раманскіх і германскіх моў у Тартускім універсітэце.
У 1978—1993 гадах працавала карэктарам у эстонскім культурным штотыднёвіку «irp ja Vasar», а ў 1997—2002 гадах была літаратурным рэдактарам. З 1992 па 2008 год была Генеральным сакратаром Эстонскай нацыянальнай камісіі ЮНЕСКА.
Свае першыя паэтычныя творы стала пісаць яшчэ ў 1960-х. У 1982 годзе стала членам Саюза пісьменнікаў.
Пераклала на эстонскую мову творы Уільяма Шэкспіра, Ганны Ахматавай, Эмілі Дзікінсан, Іосіфа Бродскага, Джэбрана Халіля Джэбрана, Кабіра, Уістэна Х’ю Адэна і Сэмюэла Бэкета. Яе кнігі былі перакладзены больш чым на 20 моў. Дорыс Карэва супрацоўнічала з многімі еўрапейскімі музыкантамі, кампазітарамі, тэатральнымі рэжысёрамі і харэографамі, шэраг яе вершаў быў пакладзены на музыку.
Зноскі
Катэгорыя:Паэты Эстоніі