Людавіка Эйнаўдзі (; нар. , , Італія) — італьянскі кампазітар і піяніст. Вучыўся ў Міланскай кансерваторыі імя Джузэпэ Вердзі, а таксама ў кампазітара Лучана Берыа. Пачаў сваю кар’еру ў якасці класічнага кампазітара, неўзабаве дадаўшы ў свае творы іншыя стылі, уключаючы поп- і рок-музыку, этнічную і народную музыку. У сваёй музыцы Эйнаўдзі таксама часта выкарыстоўваў стыль эмбіент. Яго музыка медытатыўная і інтраспектыўная, з апорай на мінімалізм і сучасную поп-музыку.
Напісаў музыку для такіх фільмаў, як «Недатыкальныя» і «Я ўсё яшчэ тут», тэлевізійных міні-серыялаў «Доктар Жывага» (2002) і Acquario (1996). За Acquario атрымаў прэмію Grolla d’oro ў намінацыі «Найлепшы саўндтрэк». Выдаў некалькі альбомаў з творамі для фартэпіяна з аркестрам. Запісаў трэк з Адрыяна Чэлентана ў 2007 годзе да юбілейнага саракавога альбома акцёра. Крыніцы