«Total Eclipse of the Heart» (Поўнае зацьменне сэрца) — песня ў жанры рок-балада, напісаная і спрадзюсаваная Джымам Стайнманам і стала вядомай у выкананні валійскай спявачкі Боні Тайлер. Песня выпушчана ў 1983 годзе на студыйным альбоме «Faster Than the Speed of Night», стаўшы яго топавай кампазіцыяй.
Запісаная ў дуэце з Роры Додам стала самым вялікім хітом у кар’еры Тайлер. Яна змагла ўзначаліць брытанскі хіт-парад сінглаў UK Singles Chart і заняць пятае месца ў спісе самых прадаваных сінглаў 1983 года ў Злучаным Каралеўстве. У Злучаных Штатах сінгл правёў чатыры тыдні на вяршыні чартаў, не пусціўшы туды іншую песню Стэйнмана «Making Love Out of Nothing» ад Air Supply (праз гады, у 1995 годзе, Тайлер сама зрабіла кавер-версію гэтага твора). Па выніках года трэк заняў 6-е месца сярод лепшых сінглаў года па версіі Billboard і атрымала намінацыю на прэмію «Грэмі» за лепшае жаночае вакальнае поп-выкананне.
Агульнасусветныя продажы сінгла перавысілі 6 мільёнаў копій. Ён быў сертыфікаваны залатым у ЗША, а ў 2001 годзе, калі парог сертыфікацыі змяніўся, Амерыканская асацыяцыя гуказапісвальных кампаній прысвоіла яму плацінавы статус.
Відэакліп Кліп зняты аўстралійскім рэжысёрам Раселам Малкэхі ў Халавееўскай псіхлячэбніцы каля вёскі Верджынія-Уотэр (бальніца зачынілася ў 1980 годзе, цяпер адноўлена і пераабсталявана ў цэнтр мастацтва). Прадзюсарам выступіў Джэкі Байфард.
Кліп паказвае Тайлер у ролі настаўніцы закрытай школы для хлопчыкаў. Апранутая ў белае, позна ўвечары яна ідзе па прасторных калідорах і аддаецца рамантычным марам з выхаванцамі. Пры гэтым у кліпе няма нічога «ніжэй за пояс» — усе гэтыя мары перадаюцца голымі тулавамі і мужчынскімі танцамі. Паралельна ідуць кадры, дзе вучні танчаць, удзельнічаюць у розных школьных мерапрыемствах і спяваюць у хоры (у гэтай сцэне ў вучняў ззяючыя белыя вочы).
У фінале кліпа раніцай жанчына выходзіць на ганак павітаць выхаванцаў і ў аднаго з іх у нейкае імгненне коратка бачыць зіхоткія белыя вочы са свайго сну.
Часопіс «Білборд» у 1983 годзе адзначыў кліп адразу дзвюма намінацыямі Video Music Awards — за лепшае жаночае выкананне і за лепшы сімвалізм. Крыніцы
Катэгорыя:Сінглы, якія ўзначальвалі Billboard Hot 100