Алена Анатолеўна Хіля (нар. 18 лютага 1975, в. Пажыжма, Воранаўскі раён, Гродзенская вобласць) — беларуская настаўніца, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.
Біяграфія Нарадзілася 18 лютага 1975 года ў вёсцы Пажыжма Воранаўскага раёна Гродзенскай вобласці.
Скончыла Мазырскі дзяржаўны педагагічны інстытут імя Н. К. Крупскай па спецыяльнасці «Педагогіка і методыка пачатковага навучання»; Беларускі дзяржаўны педагагічны ўніверсітэт імя Максіма Танка па спецыяльнасці «Настаўнік-дэфектолаг»Біяграфія на сайце Палаты прадстаўнікоў Нацыянальнага сходу Рэспублікі Беларусь.
Працавала настаўніцай пачатковых класаў у Сярэдняй школе № 2 г. Петрыкава Гомельскай вобласці; метадысткам, настаўніцай-дэфектолагам Петрыкаўскага раённага цэнтра карэкцыйна-развіваючага навучання і рэабілітацыі; настаўніцай пачатковых класаў, намесніцай дырэктара па вучэбнай рабоце, дырэктаркай Бараўлянскай сярэдняй школы № 2 Мінскага раёна.
Дэпутатка Мінскага раённага Савета дэпутатаў 28-га склікання, намесніца старшыні Савета дэпутатаў 28-га склікання.
Член Беларускай партыі «Белая Русь».
У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Мінскай сельскай акругі № 77. Член Пастаяннай камісіі па жыллёвай палітыцы, гандлі і будаўніцтве.
Узнагароды Узнагароджана Ганаровай граматай Нацыянальнага сходу Рэспублікі Беларусь, граматамі Міністэрства адукацыі Рэспублікі Беларусь, Мінскага раённага выканаўчага камітэта. Мае Падзячны ліст Прэзідэнта Рэспублікі Беларусь. Занесена на Дошку гонару Мінскай абласной прафсаюзнай арганізацыі адукацыі і навукі (2011).
Сям’я Выхоўвае дваіх дзяцей.
Крыніцы
Спасылкі Біяграфія на сайце Палаты прадстаўнікоў Нацыянальнага сходу Рэспублікі Беларусь
Катэгорыя:Дэпутаты Палаты Прадстаўнікоў Нацыянальнага сходу Рэспублікі Беларусь 8-га склікання Катэгорыя:Дэпутаты Мінскага раённага Савета дэпутатаў