Біблія Лютэра () — пераклад Бібліі на нямецкую мову, зроблены Марцінам Лютэрам і яго бліжэйшымі паплечнікамі (сярод іх быў, напрыклад, нямецкі рэфарматар Філіп Меланхтан).
Пераклад Лютэра і яго паплечнікаў адыграў ключавую ролю ў Рэфармацыі ў Германіі. Ён таксама стаў асновай нямецкай літаратурнай мовы.
Гісторыя Новы Запавет Лютэр перавёў у перыяд са снежня 1521 па сакавік 1522 года ў Вартбургскім замку. Выкарыстоўваўся грэчаскі тэкст —— Textus Receptus у выданні Эразма Ратэрдамскага 1516 года. Ад выкарыстання афіцыйна прынятага ў каталіцкай царкве лацінскай мовы перакладу — Вульгаты Лютэр свядома адмовіўся. У верасні 1522 года тэкст перакладзенага ім Новага Запавету быў надрукаваны ў друкарні Мельхіёра Лотата ў Вітэнбергу, атрымаўшы неафіцыйную назву «Вераснёўскай Бібліі» або «Вераснёўскага запавету» (Septembertestament). У 1534 годзе ўпершыню выйшаў поўны тэкст Бібліі Лютэра (Стары і Новы Запавет). У 1545 годзе выйшла новае поўнае выданне Бібліі (апошняе — пад рэдакцыяй Лютэра), якое ў біблеістыцы вядома пад назвай Biblia Deudsch.
Склад канону У адпаведнасці з багаслоўскімі поглядамі Лютэра ў перакладзе прадстаўлены новы падыход да разумення біблейскага канона.
Так, другакананічныя кнігі змешчаны паміж Старым і Новым Запаветамі пад агульным загалоўкам «Апокрыфы: Гэтыя кнігі не лічацца роўнымі Пісанням, але карысныя і добрыя для чытання».
Што да перакладу «Апокрыфаў», то ў асноўным ён быў зроблены Філіпам Меланхтанам і Юстусам Ёнасам.
У перакладзе Новага запавету чатыры кнігі, адносна кананічнасці і боганатхнённасці якіх Лютэр сумняваўся (Пасланне да Яўрэяў, Ліст Якава, Ліст Іуды і Апакаліпсіс), змешчаныя ў канцы.
Асаблівасці перакладу Бог перакладзены як Gott, Святы Дух як Heilige Geist, Суцяшальнік як Tröster, Евангелле як Evangelium , Царква як Gemeinde (рэлігійная суполка), Царства Божае як Reich Gottes, Пяцідзясятніца як Pfingsten , Уваскрэсенне з мёртвых як Auferstehung, волаты як Tyrannen (тыраны — ) , вера як Glaube, хрышчэнне як Taufe, крыж як Kreuz, грэх як Sünde, благадаць як Gnade, епіскап як Bischof, звер як Tier, сатана як Teufel.
Адмысловае месца ў перакладзе займае Зорка ранішняя / Morgenstern (), які выступае адначасова сінонімам як д’ябала ( — у сінадальным перакладзе: «дзянніца, сын зары»), так і Ісуса Хрыста ().
Гл. таксама Берлебургская Біблія
Літаратура
Спасылкі
Біблія Лютэра (1545) у сучаснай расшыфроўцы Luther Bibel 1545 Біблія Лютэра на Вікікрыніцах
Катэгорыя:Пераклады Бібліі Катэгорыя:Рэфармацыя Катэгорыя:Марцін Лютэр Катэгорыя:Кнігі XVI стагоддзя