Юлья́н Неч (; , , Польшча — 1939) — польскі гісторык, даследчык Валыні.
Біяграфія Юльян Неч нарадзіўся 13 кастрычніка 1908 года Жэшаве. У 1926 годзе, скончыўшы гімназію, паступіў у Ягелонскі ўніверсітэт (Кракаў), дзе вывучаў гісторыю і права.
Быў адным з заснавальнікаў (1935), а пасля навуковым сакратаром Валынскага таварыства аматараў навук. З ліпеня 1937 года жыў і працаваў у Луцку, узначальваў публічную бібліятэку і Валынскі музей.
Займаўся навуковай дзейнасцю, даследаваў гісторыю Валыні. Друкаваўся ў шматлікіх часопісах, такіх як «Валынь», «Зямля Валынская», «Рочнік Валынскі», «Зніч», іншых навуковых выданнях. У 1935—1939 гадах напісаў вялікую колькасць навуковых артыкулаў, прысвечаных гісторыі Валыні.
Да выхаду «Кнігі ў памяць Юзафа Ігнацыя Крашэўскага» (Луцк, 1939) напісаў артыкул «Ю. І. Крашэўскі — даследчык мінулага Валыні».
Спасылкі Історична Волинь. Ю. Неч
Катэгорыя:Гісторыкі Польшчы Катэгорыя:Гісторыкі XX стагоддзя