«Пане-браце» ― беларускі рок-гурт, аўтарам песень быў Уладзімір Кандрусевіч. Гісторыя Гурт ствараўся на досыць прафесійным узроўні і меў уласную апаратуру, якую ў 1970 годзе для Усесаюзнага конкурса артыстаў эстрады пазычыў ансамбль «Лявоны». Першапачаткова ігралі кавер-версіі «The Beatles», «The Rolling Stones», «», «Creedence Clearwater Revival», «Deep Purple» на выступленнях. Потым Кандрусевіч стаў складаць рускамоўныя тэксты на мелодыі тых жа «The Beatles». На творчасць уплывала польская музыка, перш за ўсё Чэслаў Неман. Прысутнічала ў творчасці і беларуская мова, назва гурта і кампазіцыя, якая служыла візітоўкай калектыва, была на беларускай мове: «Як паедзем, пане-браце, / У лес па маліну. / Як выражам, пане-браце, / У лесе дубіну». Гурт атрымліваў грошы за выступы на танцавальных вечарынах ДК першага цаглянага завода, што з’явілая фармальнай падставай для выключэння з кансерваторыі Уладзіміра Кандрусевіча. Гурт прыняў удзел у Другім фестывалі біт-ансамбляў Мінска ў 1971 годзе, у якасці барабаншчыка для выступлення запрасілі Ігара Карастылёва. На пачатку выканалі песню «Good Golly, Miss Molly» з рэпертуару «Creedence Clearwater Revival», падчас выканання якой зала проста зароўла, усе паўскоквалі са сваіх месцаў. Потым гурт пачаў выконваць песні свайго аўтарства, але супрацоўнік аддзела культуры ЦК КПБ зачыніў заслону сцэны.
Склад Уладзімір Кандрусевіч ― гітара, вакал Уладзімір Угольнік ― гітара Андрэй Гітгарц ― клавішы Віталь Раманаў ― барабаны
Спасылкі
В будущий четверг участники легендарного бит-фестиваля «Минск–68» снова соберутся вместе Кто лучше всех играет Пресли на гитаре
Катэгорыя:Зніклі ў 1971 годзе Катэгорыя:Рок-гурты Беларусі