Дыстанцыйны ўніверсітэт імя Джусціна Фартуната () — італьянская прыватная вышэйшая навучальная ўстанова са статусам універсітэта з сядзібай у горадзе Беневента.
Агульная характарыстыка Навучанне ў ВНУ праводзіцца праз платформу электроннага навучання. З 2009 года таксама прапануецца стацыянарны рэжым навучання з заняткамі ў аўдыторыях, каб задаволіць патрэбы студэнтаў, якія пражываюць недалёка ад універсітэта.
Універсітэт прапануе 3-гадовую праграму атрымання ступені бакалаўра, 2-гадовую магістратуру і 5-гадовую ступень магістра адзіным цыклам разам з бакалаўрыятам. Для паступлення на праграму атрымання ступені бакалаўра будучы студэнт павінен мець прынамсі атэстат сярэдняй школы. Засвоеныя гадзіны навучання (навучальныя крэдыты) з папярэдніх праграм вышэйшай адукацыі могуць быць залічаныя, каб скараціць час атрымання дыплома.
Універсітэт прасоўваецца і падтрымліваецца асацыяцыяй EFIRO, якая базуецца ў Беневента, якая ў сваю чаргу належыць прадпрымальніку з Беневента Анджэла Каларуса.
Спасылкі
Афіцыйная інтэрнэт-старонка ўстановы
Катэгорыя:Універсітэты Італіі Катэгорыя:Беневента Катэгорыя:Дыстанцыйная адукацыя