Пітэр Майкл Фальк (; ) — амерыканскі акцёр, вядомы сваёй роляй лейтэнанта Каломба ў аднайменным тэлесерыяле. Акрамя таго, Пітэр з’яўляўся ў такіх фільмах, як «Прынцэса-нявеста», «Вялікія гонкі» і «Прарок». Ён двойчы быў намінаваны на прэмію «Оскар» і пяць разоў атрымліваў прэмію «Эмі» (чатыры з іх за ролю вышукніка Каломба) і адзін раз «Залаты Глобус». У 1996 годзе часопіс TV Guide уключыў Фалька ў свой спіс 50 найвялікшых тэлевізійных зорак усіх часоў, дзе ён апынуўся на 21 радкуTV Guide Guide to TV. Barnes and Noble. 2004. P. 596. ISBN 0-7607-5634-1. .
Біяграфія Пітэр Фальк нарадзіўся 16 верасня 1927 года ў Нью-Ёрку ў сям’і ўладальніка галантарэйнай крамы і крамы адзення Майкла Пітэра Фалька і яго жонкі Мадлен (у дзявоцтве — Хокхаўз), якая працавала бухгалтарамБіяграфія Пітэра Фалька. Film Reference . Паходжаннем бацькі будучага акцёра былі венгерскімі, чэшскімі, расійскімі і польскімі яўрэяміІнтэрв’ю з Пітэрам Фалькам. Cigara Ficionado .
У трохгадовым узросце правае вока Фалька было хірургічна выдалена з-за выяўленай у яго хваробы рэтынабластомы. Рэшту жыцця ён насіў шкляное вокаПітэр Фальк . The Biography Channel . Не зважаючы на гэта, яшчэ з дзяцінства Пітэр часцяком удзельнічаў у спаборніцтвах па камандных відах спорту, як бейсбол ці баскетбол.
Першае з’яўленне Фалька на сцэне адбылося ў 12 гадоў, калі ён прыняў удзел у спектаклі «Піраты Пензанса», які ставіўся ў знакамітым летнім лагеры «Camp High Point», размешчаным у прадмесці Нью-Ёрка. Адным з настаўнікаў Фалька ў лагеры быў Рос Марцін, з якім пазней яны здымаліся ў «Вялікіх гонках» і адным з эпізодаў серыяла «Каломба».
Навучаўся Пітэр у Вышэйшай школе Осінінгу, размешчанай у наваколлі Нью-Ёрка, дзе быў «прэзідэнтам» аднаго са старэйшых класаў. Пасля заканчэння школы ў 1945 годзе ён паступіў у каледж Гамільтан. Яшчэ да заканчэння Другой сусветнай вайны Фальк паспрабаваў уступіць ва Узброеныя сілы ЗША, але яму адмовілі з-за шклянога вока. Ён быў залічаны ў шэрагі Ваенна-марскога флоту ЗША, дзе служыў памочнікам кухара і прыбіральшчыкам. Пасля Фальк падарожнічаў па Еўропе і нават 6 месяцаў працаваў на чыгунцы ў ЮгаславііFalk, Peter (2006). Just One More Thing: Stories From My Life. New York: Carroll & Graf Publishers. P. 26. ISBN 0-7867-1795-5..
Пасля вяртання дахаты Пітэр навучаўся ў Сіракузскім універсітэце ў Нью-Ёрку на эканамічным аддзяленні, аднак ён быў не ўпэўнены ў тым, што жадае рабіць далей. Пасля ўніверсітэта працаваў адміністратарам і клеркам, а праз нейкі час запісаўся ў тэатр. З 1958 пачаў рэгулярна з’яўляцца ў кіно і на тэлебачанні, зняўшыся ў фільмах «Карпарацыя забойства» «Жменя цудаў», «Вялікія гонкі», «Гэты шалёны, шалёны, шалёны, шалёны свет». Але самай знакамітай для Пітэра Фалька стала роля лейтэнанта лос-анджэлескай паліцыі Каломба ў серыяле «Каломба», які з-за сваёй папулярнасці доўжыўся 19 гадоў.
Акцёр памёр у чацвер увечары 23 чэрвеня 2011 года ў Беверлі-Хілз. Паведамлялася, што Пітэр Фальк пакутаваў на хваробу Альцгеймера і дэменцыюУ ЗША пайшоў з жыцця адзін з праслаўленых ветэранаў Галівуда — Пітэр Фальк. БелтэлерадыёкампаніяПамёр «лейтэнант Каломба» — акцёр Пітэр Фальк. Наша Ніва.
Зноскі
Спасылкі Афіцыйны сайт
Катэгорыя:Лаўрэаты прэміі «Эмі» Катэгорыя:Лаўрэаты прэміі «Залаты глобус» Катэгорыя:Пахаваныя на Вествудскіх могілках