Капліца памяці воінаў-інтэрнацыяналістаў — помнік у Магілёве, размешчаны на левым беразе Дняпра, па Вялікай Чавускай вуліцы. Адкрыта 15 лютага 2002 г. Аўтары помніка архітэктар Уладзімір Чаленка і скульптар Юрый Паўлаў.
Архітэктура Капліца зроблена з жалезабетону і граніту, вышыня складае 16 м. Купал пакрыты суцэльнай меддзю. Прапорцыі і форма архітэктуры капліцы пераймаюць каноны старажытнарускай праваслаўнай архітэктуры. У плане капліца ўтварае квадрат — сімвал цвёрдасці веры, вышыня яе парталаў складае два квадраты, у аснову кампазіцыі закладзены сімвал крыжа, які сімвалізуе перамогу над смерцю.
Чатырохмятровая скульптурная кампазіцыя зроблена з бронзы і чырвонага граніту. Скульптура ўвасабляе святы і ўзнёслы вобраз Маці—Беларусі, якая бласлаўляе сваіх сыноў на ратны подзвіг. Скульптурная кампазіцыя сімвалізуе пераемнасць вайсковай доблесці ўсіх пакаленняў воінаў-інтэрнацыяналістаў. Імёны загінулых воінаў—інтэрнацыяналістаў Магілёўшчыны ўшанаваны на мемарыяльнай дошцы, устаноўленай на помніку. Ля падмурка помніка закладзены капсулы памяці з зямлёй Афганістана, мемарыяла «Востраў слёз» у горадзе Мінску, Буйніцкага поля і салдацкіх магіл Магілёўшчыны.
Спасылкі Каплица памяти воинов-интернационалистов
Катэгорыя:Мемарыяльныя збудаванні Беларусі Катэгорыя:Славутасці Магілёва Катэгорыя:Вялікая Чавуская вуліца Катэгорыя:Капліцы Магілёва Катэгорыя:2002 год у Магілёве Катэгорыя:Творы Юрыя Паўлава Катэгорыя:Будынкі і збудаванні Уладзіміра Чаленкі