«Ма́ска» () — мастацкі фільм (камедыя), зняты ў 1938 годзе на кінастудыі «Савецкая Беларусь» па аднайменным апавяданні Антона Чэхава.
Сюжэт У грамадскім клубе з дабрачыннай мэтай давалі бал-маскарад. У самы разгар весялосці невядомы ў фурманскім гарнітуры і чорнай масцы ўчыніў скандал. Ён выштурхаў з чытальнай залы высакародных паноў і ўладкаваўся за сервіраваным столікам з дзвюма жанчынамі. Ніякія ўгаворванні клубнага старшыны і паліцэйскага чына не рабілі на яго ўплыву. Ён толькі яшчэ больш лаяўся, піў і куражыўся з гасцей, якія працягвалі абурацца.
Калі дэбашыр зняў маску, то перад ашаломленай публікай паўстаў Ягор Нілыч Пяцігораў, вядомы мільянер і мясцовы дабрадзей. Усеагульнае абурэнне хамскімі паводзінамі п’янага хулігана змянілася задаволенымі смешкамі. Кожны стараўся паказаць, што шануе выхадкі такога выдатнага жартаўніка. Распарадчык выпраўляе ганаровага госця да экіпажа і да вялікага задавальнення тых, хто сабраўся, кажа, што Ягор Нілыч з’ехаў задаволены.
У ролях Сцяпан Каюкаў — Пяцігораў Віталь Паліцаймака — Яўстрат Спірыдонавіч Аляксандр Беніямінаў — дырыжор Мікалай Ліцвінаў — таўстун Канстанцін Адашэўскі — Белебухін Уладзімір Таскін — дырэктар банка Жэсцякоў Пётр Гофман — старшына клуба Іван Назараў — лёкай
Катэгорыя:Фільмы СССР Катэгорыя:Фільмы студыі «Беларусьфільм» Катэгорыя:Фільмы СССР 1938 года