Les mines de La Parva son una antigua esplotación miera en Castañeo'l Monte, nel conceyu asturianu de Santo Adriano. Alcuéntranse a pocos quilómetros de la llocalidá de Los Niseiros. Tamién reciben el nome de San Gabriel y mina Cueva Parda. La so actividá taba venceyada a la Fábrica d'armes de Trubia, suministrando parte del fierro necesariu pal so funcionamientu.
Tuvieron en funcionamiento dende 1794 o 1796 hasta 1866 con dellos parones na actividá.
En 1900 fundóse la Compañía Minera de Castañedo del Monte cola idea de volver a sacar fierro de la mina, pero nun llegó a facer nengún trabayu. Nel añu 1935 caducó-y la concesión.
En 2015 el Conceyu de Santo Adriano y la Direición Xeneral de Minería y Enerxía llimpiaron y restauraron l'entornu de la mina pa poder facer visites. Dende entós vienen faciéndose visites guíaes per parte de l'asociación La Ponte.
Referencies
Enllaces esternos
Categoría:Mines d'Asturies Categoría:Mines soterraes Categoría:Mines de fierro Categoría:Santo Adriano