Les eleiciones al Parllamentu de Cataluña correspondientes a la formación de la llexislatura celebráronse'l xueves 21 d'avientu de 2017. Foron convocaes pol presidente del Gobiernu Mariano Rajoy como una midida de l'aplicación en Cataluña del artículu 155 de la Constitución española.
Contestu La convocatoria d'eleiciones tuvo llugar dempués de que'l Senáu español aprobare por mayoría absoluta les midíes d'aplicación del artículu 155 de la Constitución española na comunidá autónoma de Cataluña unviaes pol Gobiernu d'España, por cuenta de la declaración unillateral d'independencia. Les midíes aprobaes en xunta estraordinaria del Conseyu de Ministros relatives a l'aplicación del artículu 155 cesaron al entós presidente de la Xeneralidá de Cataluña, Carles Puigdemont, al vicepresidente Oriol Junqueras y al restu de miembros del Conseyu de Gobiernu catalán.
Convocatoria miniaturadeimagen|izquierda|Rajoy anunciando la convocatoria d'eleiciones El 27 d'ochobre'l presidente'l Gobiernu Mariano Rajoy anunció, acompañaes del anunciu de destitución de Carles Puigdemont y el so conseyu de gobiernu, la disolución del Parllamentu de Cataluña y la convocatoria d'eleiciones autonómiques pal xueves 21 d'avientu de 2017. Conforme a lo dispuesto na Llei Orgánica del Réxime Eleutoral Xeneral (LOREX), la llei qu'anguaño regula los procesos eleutorales n'España, tienen de trescurrir un mínimu de 54 díes —el periodu que dixebra'l sábadu 28 d'ochobre y el xueves 21 d'avientu— ente la publicación del real decretu de convocatoria eleutoral nel Boletín Oficial del Estáu y la celebración de los comicios..
Sistema eleutoral thumb|upright|Parllamentarios per circunscripción
L'Estatutu d'Autonomía de Cataluña de 2006 establez que los miembros del Parllamentu de Cataluña son escoyíos por sufraxu universal, llibre, igual, directu y secretu. Los parllamentarios s'escueyen por escrutiniu proporcional plurinominal con llistes zarraes en cada circunscripción eleutoral. L'Estatutu especifica que'l Parlñamentu tien de tar compuestu por un mínimu de cien diputaos y un máximu de cientu cincuenta. La so composición actual ye de 135 diputaos.
Les circunscripciones eleutorales del Parllamentu de Cataluña correspuenden coles cuatro provincies de Cataluña. El repartu d'escaños a cada circunscripción ta determináu pola disposición transitoria segunda del Estatutu d'Autonomía de Cataluña de 2006 que caltuvo la repartida establecida na disposición transitoria cuarta del estatutu de 1979. A la circunscripción eleutoral de Barcelona correspuénden-y 85 parllamentarios; a la de Tarragona, 18; a la de Girona, 17; y a la de Lleida, 15.
L'asignación d'escaños a les llistes eleutorales de realicen col sistema D'Hondt, tal como establez la Llei Orgánica del Réxime Eleutoral Xeneral (LOREX).
La barrera eleutoral pa poder optar al repartu d'escaños en cada circunscripción ye del 3% de los votos válidos (suma de los votos a candidatura y los votos en blancu). Esti estragal mínimu pa llograr escañu namás tien efectu na práctica na circunscripción eleutoral de Barcelona.
Tres la reforma de la LOREX de 2011, los partíos que nun llograren representación na llexislatura anterior tienen de consiguir primero l'aval del 0,1 % del censu eleutoral de cada circunscripción pa poder presentar candidatures. Los eleutores nun puen roblar en más d'una candidatura.
Resultaos thumb|Distribución d'escaños per circunscrición Eleiciones al Parllamentu de Cataluña de 2017, 21 d'avientu de 2017 Llista eleutoral Votos Porcentaxe Escaños +/- Ciutadans-Partido de la Ciudadanía (C's) 1 109 732 25.26%36 11 Junts per Catalunya (JUNTSxCAT) 948 233 21.58%34 n/aEsquerra Republicana de Catalunya (ERC-CatSí) 935 861 21.30%32 n/aPartíu de los Socialistes de Cataluña (PSC) 606 659 13.81%17 1 Catalunya en Comú-Podem (CatComú-Podem) 326 360 7.43%8 n/aCandidatures d'Unitat Popular (CUP) 195 246 4.44%4 6Partíu Popular de Cataluña (PPdeCat) 185 670 4.23%4 7Partíu Animalista Contra'l Maltratu Animal (PACMA) 38 743 0.88% 0 0Los Verdes-Grupu Verde 10 287 0.23% 0 0Por Un Mundu Más Xustu (PUM+J) 577 0.01% 0 n/aVotos nulos 0.37%Votos en blancu 0.44%Votos a candidatures 99.19%Participación <small>(79,04 % sobre un censu de eleutores) 100.00%
Referencies
Categoría:Eleiciones n'España Categoría:Wikipedia:Artículos que necesiten etiqueta de referencies de grupu