Les llingües kam-sui () son una subfamilia de les llingües tai-kadai falaes polos pueblos kam-sui. Fálense principalmente nes provincies chines de Guizhou (al este), al oeste de Hunan y nel norte Guangxi, toes elles asitiaes en China meridional. Amás hai delles poques bolses de falantes de llingües kam-sui nel norte de Vietnam y Laos.
Clasificación Les llingües kam-sui inclúin una docena de llingües. El lakkja y el biao dacuando considérase que formen una caña hermana de les llingües kam-sui dientro de l'agrupación "be-kam-tai" caña de les llingües kradai, pero esta clasificación considérase más encontada.
Les llingües kam-sui meyor conocíes y documentaes son el dong (kam), con cerca d'un millón de falantes, el mulam, el manonan y el sui. Otres llingües son l'ai-cham, el mak, el t’en y el chadong, que ye la una llingua apocayá identificada. Yang (2000) considera'l ai-cham y el mak como dialeutos de la mesma llingua.杨通银 / Yang Tongyin. 莫语研究 / Mo yu yan jiu (A Study of Mak). Beijing: 中央民族大学出版社 / Zhong yang min zu da xue chu ban she, 2000.
Graham Thurgood (1988) presentó una "clasificación interna" tentativa pa les llingües kam-sui.Thurgood, Graham. 1988. "Notes on the reconstruction of Proto-Kam–Sui." In Jerold A. Edmondson and David B. Solnit (eds.), Comparative Kadai: Linguistic studies beyond Tai, 179-218. Summer Institute of Linguistics Publications in Linguistics, 86. Dallas: Summer Institute of Linguistics and the University of Texas at Arlington. El chadong, una llingua que namái s'hai documentáu reciemente per parte del llingüista chinu Jinfang Li, tamién s'inclúi no que sigue. Esta llingua paez más cercanamente rellacionada col maonan.Li, Jinfang. 2008. "Chadong, a Newly-Discovered Kam–Sui Language in Northern Guangxi." In Diller, Anthony, Jerold A. Edmondson, & Yongxian Luo, ed. The Tai–Kadai languages, 596-620. New York: Routledge.
El biao y el lakkja, que la so clasificación ye inda incierta, podríen formar una caña cercana a la caña kam-sui; ya inclusive el biao podría ser una llingua diverxente de la caña kam-sui.
Falantes Casi tolos falantes de llingües kam-sui son orixinarios de les prefeutures autónomes de Qiandongnan (dong) y Qiannan (sui, then, mak, ai-cham) na provincia de Guizhou, según les prefeutures urbanes de Hechi (mulam y maonan) y Guilin (chadong) en norte de Guangxi. Tamién munchos falantes de kam-sui migraron muncho más allá escontra zones urbanes de Guangzhou.
Dellos pequeños grupos de falantes de kam y sui residien na porvincia de Tuyên Quang en Vietnam, nes aldegues de Đồng Mộc y Hồng Quang, respeutivamente.
Referencies
Bibliografía Tai–Kadai Languages. (2007). Curzon Pr. ISBN 978-0-7007-1457-5 Diller, A. (2005). The Tai–Kadai languages. London [etc.]: Routledge. ISBN 0-7007-1457-X Edmondson, J. A., & Solnit, D. B. (1988). Comparative Kadai: linguistic studies beyond Tai. Summer Institute of Linguistics publications in linguistics, non. 86. [Arlington, Tex.]: Summer Institute of Linguistics. ISBN 0-88312-066-6 Peiros, Ilia. 1998. "Comparative Linguistics in Southeast Asia". Pacific Linguistics, Research School of Pacific and Asian Studies, Australian National University. Thurgood, Graham. 1988. "Notes on the reconstruction of Proto-Kam–Sui." In Jerold A. Edmondson and David B. Solnit (eds.), Comparative Kadai: Linguistic studies beyond Tai, 179-218. Summer Institute of Linguistics Publications in Linguistics, 86. Dallas: Summer Institute of Linguistics and the University of Texas at Arlington.
Enllaces esternos ABVD: Proto-Kam–Sui word list
Kam-sui
Kam-Sui