L'Aeropuertu de Maribor (n'eslovenu: Letališčy Edvarda Rusjana Maribor) (IATA: MBX, ICAO: LJMB) ye'l segundu aeropuertu más grande d'Eslovenia, asitiáu na ciudá de Maribor. Asítiase a pocos quilómetros del sur de la ciudá de Slivnica. L'aeropuertu cunta anguaño vuelos regulares y de chárter a dellos destinos costeros.
Cuando Eslovenia formaba parte de Yugoslavia, l'aeropuertu sirvió regularmente como base de l'aereollinia JAT, coneutando principalmente Belgráu cola mariña adriática croata. Más tarde, l'aeropuertu foi utilizáu pola aereollinies nacionales Slovenian Spirit y Styrian Spirit, qu'ufiertaben vuelos regulares a París y Salzburgu hasta 2006, yá que enese añu produció la quiebra de l'aereollinia Styrian.
El 8 de marzu de 2007, l'aereollinia irlandesa Ryanair anunció, qu'empecipiaría vuelos ente l'aeropuertu de Londres-Stansted y Maribor en xunu d'esi mesmu añu, con un ritmu de 3 vegaes a la selmana. Les mires que desenvolvió esti serviciu incluyeron un posible aumentu na esploración turística de la rexón, que tien un gran potencial económicu mientres tol añu. Esti serviciu empezó'l 7 de xunu y remató el 27 de marzu de 2008.
Na actualidá, l'aeropuertu ye utilizáu por Aurora Airlines, pa aparcar los sos aviones n'este. Anguaño unu de los trés aviones d'Aurora Airlines, ta aparcáu nel aeródromu de Maribor.
Aereollinies y destinos Aurora Airlines (Prístina) Tunis Air (Monastir)
Conexón de tresportes col aeropuertu L'aeropuertu de Maribor ta asitiáu cerca de l'autopista A1 y de la futura autopista A4, que son de bon accesu per carretera. Hai empreses d'arriendu d'automóviles con sede nel aeropuertu.
Ver tamién Aeropuertos d'Europa
Referencies
Enllaces esternos Maribor Airport (sitiu web oficial)
Categoría:Maribor Categoría:Aeropuertos d'Eslovenia