Los drosofílidos (Drosophilidae) son una familia cosmopolita del orde de los dípteros, conocíes vulgarmente como mosques de la fruta o del vinagre, mosquines del vinu o de la uva. Inclúi, ente otros, el xéneru Drosophila, la más conocida de les especies ye Drosophila melanogaster usada intensamente n'estudios de xenética, fisioloxía, ecoloxía, etoloxía, etc.
Como n'otres especies, la temperatura inflúi nel ciclu vital del animal. Munchos xenes fueron identificaos y cola so manipulación pue reducir o ampliar la vida d'especímenes xenéticamente modificaos, ente otres coses.
Importancia económica Polo xeneral nun son consideraes pestes series porque s'alimenten de fruta n'estáu de descomposición, non de fruta sano. Hai delles esceiciones como Drosophila suzukii, qu'ataca fruta de piel fino como "altimores" y cereces.Drosophila suzukii Center of Invasive Species Research Delles especies son vectores de bacteries del vinagre.Vinegars of the World. Chapter 5. Esto pue arruinar la fermentadura del vinu o cerveza, convirtiéndolos en vinagre.
Comportamientu antiparasíticu Ente les munches defenses contra parásitos, cuando les femes detecten la presencia d'aviespes parasitoides, depositen güevos en frutes en descomposición o fermentadura. La producción d'alcohol apurre un grau de proteición.Kacsoh BZ; Lynch ZR; Mortimer NT; Schlenke TA (Feb 2013). «fruit flies medicate offspring after seeing parasites». Science 339: 947-950. PMC 3760715. PMID 23430653. doi:10.1126/science.1229625.
Filoxenia La conocencia de la filoxenia d'esta familia ye incompleta. La familia tien dos subfamilies: Drosophilinae y Steganinae. Estes dos subfamilies nun contienen un calter únicu morfolóxicu que les estreme. Sicasí, la combinación de característas ye abonda p'asitiar especies correutamente nes subfamilies.
Munchos estudios de filoxenia molecular foron fechos nel xéneru Drosophila y otros xéneros rellacionaos. Yá hai más de 100 artículos usando téuniques moleculares para reconstruyir la filoxenia.
La familia contién más de 4.000 especies clasificaes en 80 xéneros.Yassin, Amir (2013) "Phylogenetic classification of the Drosophilidae Rondani (Diptera): the role of morphology in the post-genomic era". Systematic Entomology 38(2): 349-364
Galería d'imáxenes
Referencies
Enllaces esternos
Markow, T.A. & O'Grady, P. 2005. Guía d'Identificación d'Especies y Usu. Academic Press. ISBN 0-12-473052-3 Ashburner, M., Golic, K. & Hawley, S. 2005. Drosophila: Llibru de Llaboratoriu". Cold Spring Harbor Laboratory Press.
Categoría:Wikipedia:Páxines con enllaces interllingüísticos