Pablo Ballesteros Lago , conocíu como Pablo Lago, ye un ex-futbolista y entrenador asturianu. Xugaba de mediocampista. Dende xunetu de 2022 ye'l segundu entrenador del Real Uviéu.
Trayeutoria
Como xugador Formóse na cantera del Real Uviéu, pero nun llegó a debutar nel primer equipu. En 1995, coló al C. D. Lugo, de Segunda División B, onde pasó dos temporaes antes d'incorporase al Club Atlético de Madrid "B", na campaña 1997-98. Col filial colchoneru debutó en Segunda División, xugando trenta partíos y marcando tres goles. Al añu siguiente, recaló nel Rayo Vallecano de Madrid, onde robló otra bona temporada y consiguió l'ascensu a Primer División. Sicasí, nun siguió nel conxuntu madrilanu y el so debú na máxima categoría tuvo qu'esperar un añu más, cuando llogró un nuevu ascensu cola U. D. Las Palmas. Pasó dos temporaes en Primer División colos canarios, alternando la titularidá cola suplencia. Ente 2002 y 2004 militó nel Real Racing Club de Santander, pero apenes cuntaba nes alliniaciones. Nel branu de 2004 fichó pol Real Sporting de Xixón, onde goció de minutos, anque munches vegaes saliendo de la suplencia: de los cincuenta y siete alcuentros que disputó en dos años, namái foi titular en diecinueve. Tres d'una estancia ensin demasiada fortuna nel C. D. Numancia de Soria, en 2007 fichó pol Club Marino de Luanco, onde colgó les botes en 2009.
Como entrenador Empezó entrenando nes categoríes inferiores del Astur C. F. y, darréu, dirixó al Luarca C. F. de la Tercer División d'España. Na temporada 2013-14 robló un contratu col U. P. Langreo y consiguió l'ascensu a Segunda División B en rematando nel segundu puestu de la clasificación y ganar na promoción al Club Atlético de Monzón, al Club Haro Deportivo y al Mérida A. D. El 25 de xunu de 2014 anuncióse'l so fichaxe como nuevu téunicu del Caudal Deportivo, equipu col qu'apostó de nuevu la fase d'ascensu a Segunda División B, na que foi desaniciáu pol Haro Deportivo na primer ronda. El 2 de xunu de 2015 el club mierense confirmó que nun siguiría nel cargu na siguiente temporada.
El 7 de xunetu anunció'l so fichaxe como téunicu del Real Avilés C. F. pa la temporada 2015-16. El 25 d'abril de 2017 foi destituyíu del cargu. El 16 d'ochobre de 2017 anuncióse'l so fichaxe pola R. S. Gimnástica de Torrelavega.
Clubes
Como xugador ClubPaísTemporadaReal Uviéu "B"España1994-1995C. D. LugoEspaña1995-1997Club Atlético de Madrid "B"España1997-1998Rayo Vallecano de MadridEspaña1998-1999U. D. Las PalmasEspaña1999-2002Real Racing Club de SantanderEspaña2002-2004Real Sporting de XixónEspaña2004-2006C. D. Numancia de SoriaEspaña2006-2007Club Marino de LuancoEspaña2007-2009
Como entrenador ClubPaísTemporadaLuarca C. F.España2011-2013U. P. LangreoEspaña2013-2014Caudal DeportivoEspaña2014-2015Real Avilés C. F.España2015-2017R. S. Gimnástica de TorrelavegaEspaña2017-2019SD Ponferradina(segundu entrenador)España2020-2022Real Uviéu(segundu entrenador)España2022-
Referencies
Enllaces esternos
Categoría:Futbolistes d'Asturies Categoría:Futbolistes del Real Uviéu Vetusta Categoría:Futbolistes del Club Marino de Luanco Categoría:Entrenadores de fútbol d'Asturies Categoría:Entrenadores del Unión Popular de Langreo Categoría:Entrenadores del Caudal Deportivo Categoría:Entrenadores del Real Avilés Club de Fútbol Categoría:Persones d'A Veiga