Manuel del Fresno y Pérez del Villar , foi un compositor y músicu asturianu.
Biografía Manuel del Fresno y Pérez del Villar nació n'Uviéu, el 1 de xineru de 1900, siendo fíu del músicu Saturnino del Fresno Arroyo y nietu de Ramón del Fresno y Cueli (1834-99) escultor, profesor de dibuxu y unu de los primeros fotógrafos d'Asturies. Entamó los sos estudios de pianu de la mano del so padre. Treslladóse a Madrid pa estudiar música llogrando'l títulu nel Conservatoriu Nacional de Música y Declamación de Madrid. Tornó a Uviéu en 1918, siendo contratáu como suplente del organista oficial de la Catedral d'Uviéu.
En 1921, foi nomáu profesor auxiliar de pianu na Academia de Belles Artes de San Salvador.
En 1935, llegó a la direición de la Coral Vetusta, un añu más tarde al empecipiase'l asediu d'Uviéu mientres la guerra civil foi movilizáu col grau de sarxentu. Finó'l dos de payares al ser mancáu mortalmente de bala mientres defendía'l puestu de Los Carmelites n'Uviéu.
Obra La so obres más conocíes son:
Vetusta, fantasía estrenada'l 1 de setiembre de 1931 Paisaje asturiano, poema sinfónicu estrenáu'l 23 d'ochobre de 1935 pola Orquesta Clásica de Madrid, dirixida por José Maria Franco, dientro de la temporada de conciertos de la Sociedá Filarmónica d'Uviéu. Wilbertranz y Marilin, valses, el segundu de los cualos dedicáu a la so fía del mesmu nome. Coleición de cantos asturianos.
Bibliografía
Referencies
Enllaces esternos
Categoría:Compositores de música clásica d'España Categoría:Compositores d'Asturies Categoría:Pianistes d'Asturies Categoría:Persones d'Uviéu