Felipe Prósperu d'Austria , príncipe d'Asturies, foi'l tercer fíu y primer home del matrimoniu formáu por Felipe IV d'España y Mariana d'Austria. Amás de Margarita Teresa y Carlos, foi'l primeru de los fíos que superó los 2 años de vida d'aquel matrimoniu, pa finar pocu dempués.
Nacíu como Felipe Prósperu José Francisco Domingo Ignacio Antonio Buenaventura Diego Miguel Luis Alfonso Isidro Ramón Víctor d'Austria, la so venida al mundu foi recibida con gran allegría, yá que dende la muerte del príncipe Baltasar Carlos en 1646 la Casa Real española escarecía d'herederos homes. Felipe foi darréu convertíu en Príncipe d'Asturies.
El príncipe Felipe Prósperu foi retratáu en 1659 por Velázquez. El cuadru, que reflexa una fonda tenrura escontra'l neñu pero que tamién constitúi un dramáticu reflexu de la so naturaleza enfermiza, atópase güei nel Kunsthistorisches Museum de Viena.
Les esperances depositaes nel príncipe Felipe viéronse atayaes en 1661, cuando'l neñu finó prematuramente con solu 3 años y a escasos díes de la nacencia del so hermanu menor el príncipe Carlos, futuru Carlos II.
Ver tamién El príncipe Felipe Prósperu, llenzu de Velázquez.
Referencies
Enllaces esternos
Categoría:Casa d'Austria Categoría:Príncipes y princeses d'Asturies Categoría:Príncipes de Viana Categoría:Príncipes de Girona