Elizabeth Florette Fisher foi una de les primeres xeólogues de campu de los Estaos Xuníos y la primer muyer unviada por una compañía petrolera a realizar inspeiciones p'alcontrar potenciales pozos petroleros.
Biografía Nació en Boston, Massachusetts, estudió y depués enseñó nel Institutu Teunolóxicu de Massachusetts (MIT). Foi una de les primeres xeólogues de campu de los Estaos Xuníos y tamién foi la primer muyer unviada por una compañía petrolera a realizar inspeiciones, ayudando a alcontrar pozos de petroleu nel norte de la zona central de Texas, mientres una escasez de petroleu en tol país.
Nesa dómina tamién siguió cola so carrera como profesora en Wellesley College y escribió un influyente llibru de testu pa estudiantes de secundaria llamáu Resources and Industries of the United States. Fixo fincapié na necesidá del caltenimientu y creía que la tierra ensin reclamar tenía de ser utilizada pa l'agricultura. Yera miembru de l'Asociación d'Estaos Xuníos pa la Meyora de la Ciencia (AAAS), de la Sociedá Geografica Americana, del Club de monte Montes Apalaches y de la Boston Society of Natural History.
Finó en 1941. En Wellesley College esiste una beca al so nome pa les muyeres graduaes d'esta institución qu'entamen siguir colos sos estudios.
Ver tamién Florence Bascom Carlotta Maury
Referencies
Categoría:Xeólogos y xeólogues d'Estaos Xuníos Categoría:Científicos y científiques d'Estaos Xuníos