Charlotte Dawson foi una personalidá de la televisión de Nueva Zelanda y Australia. Yera conocida en Nueva Zelanda pol so papel como anfitriona de Getaway, How's Life?, Charlotte's Lists, y n'Australia como anfitriona de The Contender Australia y como xueza en Australia's Next Top Model.
Carrera Dawson salió de Nueva Zelanda a los 16 años pa facer de modelu n'Europa y con Ford Models en Nueva York. Una década más tarde treslladóse a Australia, au convirtióse nuna cara familiar na escena de la moda d'Australia.
Muerte El 22 de febreru de 2014, Dawson suicidóse na so casa del sur de Wollongong, Nueva Gales del Sur. Según s'informó, un axente inmobiliariu atopó'l so cuerpu cuando él llegó pa inspeicionar la propiedá enantes de la so puya. La policía confirmó que foron llamaos a la casa a les 11:18 de la mañana y que nun había circunstancies sospechoses a la muerte. El primer ministru de Nueva Zelanda, John Key, dixo que taba "sorprendíu" y "atristayáu" pola muerte de Dawson, ente que'l diseñador de moda d'Australia Alex Perry dixo d'ella "Perdimos una formosa, brillante, escelente moza güei".
Referencies
Enllaces esternos
Categoría:Presentadores de televisión d'Australia Categoría:Presentadores de televisión de Nueva Zelanda Categoría:Persones d'Auckland