1820 (MDCCCXX) foi un añu bisiestu entamáu en sábadu nel calendariu gregorianu.
Fechos Xineru 1 de xineru: Insurrección militar al mandu de Rafael del Riego en Cádiz para reinstaurar la Constitución de 1812 que se consigue'l 19 de marzu. 8 de xineru: na Arxentina, el Motín de Arequito destrúi'l Exércitu del Norte, debilitando decisivamente al Direutoriu. 28 de xineru: La espedición rusa comandada por Fabian Gottlieb von Bellingshausen y Mikhail Petrovich Lazarev, avérase a les coste antártiques. 29 de xineru: Xurde IV xube al tronu. Termina asina'l periodu conocíu como la Rexencia Inglesa. 30 de xineru: Edward Bransfield desembarca en L'Antártida.
Febreru 1 de febreru: Nes Provincies Xuníes del Río de la Plata vencen los federales na Batalla de Cepeda a los unitarios; fin del Direutoriu y empiezu del predominiu de los caudiellos. 3 de febreru: En Chile, Lord Thomas Cochrane apodérase de la ciudá de Valdivia, terminando con unu de los bastiones españoles d'importancia na costa del Pacíficu. 6 de febreru: Ochenta y seis colonos afroamericanos llibres, parten del puertu de Nueva York pa escontra Freetown en Liberia. Lord Thomas Cochrane ocupa Valdivia en nome de la República de Chile. 14 de febreru: Asesinatu del duque Carlos de Berry polos antimonárquicos en París, Francia. 23 de febreru: La Conspiración de la cai Cato ye descubierta. Tratáu del Pilar, qu'establez les bases del federalismu na Arxentina.
Marzu 6 de marzu: James Monroe robla'l Compromisu de Missouri. 9 de marzu: Abolición de la Inquisición n'España polos lliberales. 10 de marzu: Xuramentu de la Constitución de Cádiz por Fernandu VII d'España. 15 de marzu: Maine ye almitíu como'l 23ᵉʳ estáu de los Estaos Xuníos d'América.
Abril 6 d'abril: Joseph Smith tien una visión de Dios y Xesucristu. Fechu que se conoz como la "Primer Visión" ente los miembros de la Ilesia de Xesucristu de los Santos de los Últimos Díes o otres denominaciones del movimientu mormón. 19 d'abril: Alcuéntrase la Venus de Milo
Mayu 1 de mayu: Execución de los implicaos na Conspiración de la cai Cato.
Xunu 8 de xunu: Faise oficial la conformanza de los estaos alemanes nuna Federación per aciu del "Acta de Viena". 9 de xunu: Abolición de la Inquisición na Nueva España.
Xunetu 9 de xunetu: Insurrección de los Carbonarios en Nápoles al mandu del xeneral Guglielmo Pepe en contra de Fernandu I de les Dos Sicilies.
20 de xunetu: independencia de la República de Colombia.
Agostu 24 d'agostu: Pronunciamientu Constitucionalista en Porto, Portugal.
Setiembre 2 de setiembre: Batalla de Gamonal, n'Arxentina. 4 de setiembre: El Zar Alexandru I declara que la influyencia rusa n'América s'estiende pa escontra'l sur hasta Oregón y prohibe la navegación nes agües d'Alaska. 15 de setiembre: Pronunciamientu Constitucionalista en Lisboa, Portugal. 29 de setiembre: Francisco Ramírez funda la República d'Entre Ríos
Ochobre 8 d'ochobre: Jean Pierre Boyer reunifica la Islla d'Haití tres la muerte de Henri Christophe. 9 d'ochobre: Guayaquil declara'l so independencia del Imperiu español. 20 d'ochobre: España y Estaos Xuníos alcuerden que'l territoriu de Florida pertenez al últimu país mentáu.
Payares 9 de payares: Conspiración de la Profesa na ciudá de Méxicu. Agustín de Iturbide ye puestu al mandu del Exércitu del Sur pol virréi Juan Ruiz de Apodaca pa combatir a Vicente Guerrero. 19 de payares: La Santa Alianza robla un protocolu d'intervención contra les revoluciones constitucionalistas nel Congresu de Troppau (Opava). 26 de payares: Fin del Decretu de Guerra a muerte en Trujillo (Venezuela) pol llibertador Simón Bolívar
Avientu 3 d'avientu: James Monroe ye reelectu presidente de los Estaos Xuníos, virtualmente ensin oposición.
Ensin fecha España - Desamortización de los bienes de la Ilesia. Estaos Xuníos: Massachusetts, sufraxu universal. Costa Rica - Esporta per primer vegada café .
Arte y lliteratura Walter Scott - Ivanhoe. John Keats - Ode on a Grecian Urn.
Ciencia y teunoloxía Thomas Robert Malthus - Principles of Political Economy considered with a View to their Practical Application. Wilhelm von Humboldt - Über das vergleichende Sprachstudium in Beziehung auf die verschiedenen Epochen der Sprachentwicklung. Blainville describe per primer vegada la foca leopardu (Hydrurga leptonyx).
Nacencies
9 de xineru: Pavel Křížkovský, compositor checu (f. 1885) 31 de xineru: Concepción Arenal, socióloga, pedagoga y ensayista gallega (f. 1893) 28 de febreru: Sir John Tenniel, dibuxante inglés. 14 de marzu: Víctor Manuel II, primer rei d'Italia (1861–1878). 12 de mayu: Florence Nightingale, enfermera inglesa, pionera de la enfermería profesional moderna (f. 1910) 5 de xunetu: William John Macquorn Rankine inxenieru y físicu escocés (f. 1872) 10 d'agostu: José Valenzuela y Márquez doctor y políticu español(f. 1881) 13 d'agostu: George Grove, escritor sobre música y editor inglés (f. 1900). 9 de setiembre: Giacomo Zanella, poeta italianu (f. 1888) 20 de payares: Antonio María Aguilar, astrónomu español. 28 de payares: Friedrich Engels, filósofu y revolucionariu alemán (f. 1895)
Muertes
29 de xineru: Xurde III del Reinu Xuníu, rei de Gran Bretaña ya Irlanda (n. 1738) 19 de xunu: Joseph Banks, naturalista y botánicu británicu (n. 1743) 20 de xunu: Manuel Belgrano, abogáu, políticu y militar arxentín. Creador de la bandera arxentina (n. 1770) 7 d'agostu: Elisa Bonaparte, duquesa de Toscana, fía de Napoleón Bonaparte (n. 1777) 24 de setiembre: Pedro Aranaz, compositor y maestru de capiya español (n. 1740) 25 d'avientu: Manuel de Lardizábal y Urive, xurista español d'orixe mexicanu (n. 1739)
Referencies
Enllaces esternos
Categoría:1820 Categoría:Sieglu XIX