Noelle Stevenson ye una ilustradora, artista y escritora de cómics d'Estaos Xuníos, conocida pola novela gráfica de fantasía Nimona y la serie de cómics Lumberjanes.
Educación Stevenson asistió al Maryland Institute College of Art Mientres el so tercer añu creó a Nimona, personaxe que llueu se volvió bien popular, como parte d'una xera pa una de les sos clases, esta hestoria d'aventures foi amás la so tesis de grau en 2012.
Carrera Stevenson cobró notoriedá primero como artista de fanart, sol nome "gingerhaze" en tumblr, reinterpretando personaxes delSeñor de los Aniellos como hipsters. En 2013 ilustró la portada de la novela Fangirl, de Rainbow Rowell. Stevenson ye cocreadora y coescritora (#1-17) de la serie de cómics Lumberjanes (traducida al español como Lleñadores), la cual llogró los premios Eisner de Meyor Serie Nueva y Meyor Publicación p'Adolescentes nel 2015, 20th Century Fox tien los derechos pa producir la película.
Stevenson empezó a autopublicar selmanalmente el so webcómic Nimona en 2012 y trés años dempués publicóse como novela gráfica sol sellu de HarperCollins, n'Estaos Xuníos. En 2015 el llibru foi finalista del Premiu Nacional del Llibru y en 2016 ganó'l premiu Eisner de Meyor Reimpresión de Novela Gráfica. 20th Century Fox Animation mercó los derechos p'afaer la hestoria a la pantalla.
Dende 2015 trabaya como escritora pa Marvel Comics, con Thor Annual y Runaways. Tamién ye parte del equipu d'escritores de la serie animada de Disney Galaxa Wander.
Obra 2016, Nimona. Océano Travesía (novela gráfica). 2016, Lleñadores Vol. 1 (con Brooke A. Allen, Grace Ellis y Shannon Watters). 2016, Runaways Secret Wars Crossover #1-4 (serie llindada de 4 títulos, con Sanford Greene).
Referencies
Enllaces esternos
Categoría:Dibuxantes d'Estaos Xuníos Categoría:Escritores d'Estaos Xuníos Categoría:Escritores n'inglés Categoría:Persones de Columbia Categoría:Persones non binaries