Pedro César Ansa Araiz, moteyáu "Perico" Ansa, foi un baloncestista español de les décades de 1970 y 1980. Con un altor de 1,92 metros y un pesu de 88 kg, destacó como aleru, con un bon tiru esterior, una gran rapidez pa correr el contraataque y enfusar a canasta, según pola so capacidá defensiva.
Desenvolvió la mayor parte de la so carrera deportiva nel FC Barcelona, nel que xugó mientres diez temporaes, ente 1975 y 1985. Al pie de compañeros como Solozabal, Epi, Sibilio o De la Cruz conquistó diversos títulos ente los que destaquen un Mundial de Clubes de Baloncestu, una Recopa d'Europa, dos Lligues españoles y seis Copes del Rei.
Acabó la so carrera deportiva nel CD Cajamadrid, equipu de Madrid qu'entós apostaba la Lliga ACB. En 1988 retiróse como xugador y empobinó la so carrera profesional al mundu de les finances, ocupando diversos cargos directivos en Caja Madrid.
Foi internacional cola Selección Española Junior y 20 vegaes internacional cola Selección de baloncestu d'España Absoluta. hemeroteca.mundodeportivo Ansa ficha pol Cajamadrid, consultáu payares de 2012
Clubes FC Barcelona: 1975-1985. CD Cajamadrid: 1985-1988.
Palmarés
Títulos internacionales de Selección 1 Medaya de Bronce nel Eurobasket Junior de 1976, celebráu en Santiago de Compostela, cola Selección d'España Junior.
Títulos internacionales de Club 1 Mundial de Clubes de Baloncestu: 1985, col FC Barcelona. 1 Recopa d'Europa de Baloncestu: 1984-85, col FC Barcelona.
Títulos nacionales de Club 2 Lligues españoles: 1981, 1983. 6 Copa del Rei de Baloncestu: 1977-1978, 1978-1979, 1979-1980, 1980-1981, 1981-1982 y 1982-1983.
Referencies
Enllaces esternos
Categoría:Xugadores de baloncestu de Cataluña Categoría:Xugadores de baloncestu de la Lliga ACB Categoría:Xugadores de baloncestu de la seleición masculina d'España