Nabandle Nomzamo Winfreda Madikizela , tamién conocida como Winnie Madikizela o Winnie Mandela, foi una política y trabayadora social sudafricana, esposa del ex-presidente Nelson Mandela.«Winnie Madikizela-Mandela has died» (n'inglés). heraldlive. 2 d'abril de 2018. Consultáu'l 2 d'abril de 2018.«Muere Winnie Mandela, la exmujer del ex-presidente sudafricano Nelson Mandela, a los 81 años». El País. 2 d'abril. Consultáu'l 2 d'abril de 2018.
Biografía Nació en Bizana, Cabu Oriental, el 26 de setiembre de 1936. Conoció a Nelson Mandela (Nelson Rolihlahla Mandela) en 1957, y casó con él en 1958. Tres la puesta en llibertá del so home (1962-1990), foi acusada d'actos violentos contra simpatizantes del Congresu Nacional Africanu. Pasó 17 meses na cárcel en 1969-1970 y 6 meses en 1974-1975. Foi desterrada na aldea de Brandfort en 1977-1985. Acabáu'l so orde de destierru, instalóse en Soweto y, anque tenía torgada la so participación n'actos públicos, nun aceutó la orde, participando en mitinos qu'axuntaben a más de 40.000 persones.
Sofitó la resistencia armada escontra'l réxime blancu, y participó n'abondes fuelgues de los obreros negros. La so reputación cayó en 1988-1989, cuando ella y los sos guardaespaldes tundieron y secuestraron a cuatro mozos negros, y unu d'ellos foi asesináu pol so principal guardia personal. En 1992 separóse de Nelson Mandela, divorciándose l'añu 1996. Tornó a la política en 1993 cola so eleición a la presidencia de la Lliga de Muyeres del Congresu Nacional Africanu. Foi nomada Ministra d'Arte, Cultura, Ciencia y Teunoloxía del primer gobiernu multirracial encabezáu pol so home en 1994 y foi apartada del gobiernu en 1996. En 1988 recibió'l Premiu de Solidaridá de Bremen.
Finó'l 2 d'abril de 2018.«Muere la política y activista Winnie Mandela a los 81 años». La Vanguardia. 2 d'abril de 2018. Consultáu'l 2 d'abril de 2018.
Referencies
Enllaces esternos
Categoría:Políticos y polítiques de Sudáfrica