Meghan Elizabeth Trainor ye una cantante, compositora y productora d'Estaos Xuníos d'América. Fía d'un músicu; a los seis años empezó a cantar y a los once a componer cantares. Escribió, grabó y produció tres álbumes d'estudiu que publicó de forma independiente ente los quince y diecisiete años. En 2011 robló un contratu d'edición con Big Yellow Dog Music y siguió carrera como compositora mientres dos años.
Dempués de roblar un contratu discográficu con Epic Records en 2014, Trainor saltó a la fama col llanzamientu del so senciellu debú oficial «All About That Bass» que se convirtió nun ésitu comercial y en llistes musicales en dellos países. Siguíu del so álbum d'estudiu debú, Title (2015), qu'ingresó al númberu 1 del Billboard 200 d'Estaos Xuníos y asitió cuatro senciellos ente los quince principales de la Billboard Hot 100: «All About That Bass», «Lips Are Movin», «Dear Future Husband» y «Like I'm Gonna Lose You». Title vendió más de tres millones de copies nos Estaos Xuníos y foi certificáu tres veces platín pola RIAA.
A los sos dos años de carrera llogró cuatro entraes al top 10 del Billboard Hot 100.
Xires musicales That Bass Tour (2015) The MTrain Tour (2015) The Untouchable Tour (2016)
Referencies
Categoría:Cantantes de pop d'Estaos Xuníos Categoría:Cantautores d'Estaos Xuníos Categoría:Wikipedia:Mantenimientu:Persones ensin plantía NF