Xuana de Navarra foi Reina Consorte d'Inglaterra, como esposa del rei Enrique IV.
Primeros años de vida Foi la sesta de los 7 fíos de Carlos II el Malu, rei de Navarra, y de Xuana de Francia. Siendo los sos güelos maternos Xuan II el Bonu y Bona de Luxemburgu.
Matrimonios y fíos El 2 de setiembre de 1386, na llocalidá de Saillé-près-Guérande, casa col duque Xuan V de Bretaña, naciendo d'esti enllaz 9 renuevos, 4 homes -el mayor d'ellos, Xuan VI, herieda'l ducáu; años más tarde, el segundu fíu home, Arturo, va asoceder a los sos sobrinos en Bretaña- y 5 fíes. El duque Xuan V muerre'l 1 de payares de 1399.
Tres años más tarde, el 7 de febreru de 1403, cásase, na catedral de Winchester, col rei Enrique IV d'Inglaterra. Anque d'esta unión nun hubo descendencia, Xuana supo llevase perbién colos sos fiyascos, llegando inclusive a ponese del llau del futuru Enrique V nes sos querelles col padre. Enrique IV morrió en Westminster, el 20 d'abril de 1413, depués de 10 años de matrimoniu.
A pesar de les sos bones rellaciones col agora rei Enrique V, foi acusada d'usar bruxería pa tratar d'envelenalo y foi encarcelada nel castiellu de Pevensey, en Sussex, per cerca de 4 años (1414-18). Una vegada lliberada, lleva una esistencia sele mientres lo restante del reináu d'Enrique V y depués sol del so fíu y socesor, Enrique VI.
Morrió na llocalidá de Havering Bower, n'Essex, a los 66 años d'edá, siendo soterrada na abadía de Canterbury al llau del so home Enrique IV.
Referencies
Enllaces esternos