Pancrudo ye una llocalidá y conceyu de la provincia de Teruel (comunidá d'Aragón, España) alcontráu a 55 km de la capital de la provincia. Asítiase xunto a la Sierra de Lidón, nel Sistema Ibéricu, a un altor de 1.234 metros sobre'l nivel del mar, y próximu a la nacencia del ríu Pancrudo, del que toma'l so nome. Tien una población de 104 habitantes (INE 2008). Pancrudo queda incluyíu na Comarca Comunidá de Teruel y entra a formar parte de la Mancomunidá de Conceyos del Altiplanu de Teruel. A él apuértase dende la capital al traviés de la carretera nacional CN-420, que xune Teruel con Perales, y de la carretera comarcal A-1510, que xune ésti con Pancrudo. Tamién s'apuerta al traviés de la CN-211.
El términu municipal de Pancrudo inclúi les llocalidaes de Cervera del Rincón, Cuevas de Portalrubio, Pancrudo y Portalrubio.
Historia Nel añu 1248, por privilexu de Xaime I, esti llugar se desliga de la dependencia de Daroca, pasando a formar parte de Sesma de Barrachina na Comunidad de Aldeas de Daroca, qu'en 1838 foi eslleida.
Política llocal Últimos alcaldes de Pancrudo Periodu Alcalde Partíu 1979-1983 José Simón Aranda UCD 1983-1987 1987-1991 1991-1995 1995-1999 1999-2003 2003-2007 2007-2011 2011-2015 Manuel Tolosa SanchoAlcaldes d'Aragón de les eleiciones de 2011 PSOE
Resultaos eleutorales Eleiciones municipales Partíu 2003 2007 2011 2015 PSOE 3 2 3 2 PAR 2 2 1 2 CHA 1 1 1 PP - - - - Total 5 5 5 5
Arte Los restos más antiguos atopaos en Pancrudo correspuenden a un enterramientu Calcolítico/Eneolíticu (ente'l 3000 e. C. y el 1700 e. C.), pero hai que remontase a la Edá Media pa falar de los oríxenes de la población, sicasí, les construcciones más antigües tienen de datase yá nel sieglu XVI.
Los edificios más bultables son la Casa Consistorial y la ilesia. La primera agospia nel so pisu inferior la rula o "trinquete", que consta de dos enormes arcos de mediu puntu. El segundu pisu presenta dos balcones asitiaos na exa de la clave de los mesmos y dos ventanes apaisaes a entrambos llaos.
La ilesia de La nuesa Señora de l'Asunción ye un templu góticu construyíu na segunda metá del sieglu XVI. Presenta nave única con capiyes ente los contrafuertes. La nave consta de cuatro tramos cubiertos por bóveda de crucería estrellada. La torre, de planta cuadrada y realizada en mampostería, consta de dos cuerpos remataos nun pequeñu chapitel.
Referencies
Ver tamién Llista de conceyos de la provincia de Teruel
Enllaces esternos Sitio en rede de Pancrudo Asociación Cultural "El Cuartón". Pancrudo Comisión de Fiestes de Pancrudo (2009)
Categoría:Llocalidaes de la provincia de Teruel Categoría:Conceyos de Teruel * Categoría:Wikipedia:Mantenimientu:Llocalidaes d'España ensin partíu xudicial