Mario Pescante ye un empresariu, dirixente deportivu y políticu italianu. Anguaño ocupa'l cargu de vice-presidente del COI.
Biografía Na so mocedá foi atleta, especialmente en media distancia. Empezó la so carrera como dirixente deportivu na universidá y foi nomáu Secretariu Xeneral del CONI en 1973. Foi xefe de misión de la escuadra italiana mientres cinco Xuegos Olímpicos de Branu y siete Xuegos Olímpicos d'Iviernu. En 1993 foi escoyíu presidente del CONI y permaneció nesi cargu hasta'l so arrenunciu'l 13 d'ochobre de 1998 tres l'escándalu de dopaxe del llaboratoriu de Acqua Acetosa.
Fundador de l'Academia Olímpica Nacional, ye miembru del COI dende 1994 y foi vicepresidente de l'Asociación de Comités Olímpicos Europeos de 2001 a 2006. Ye l'autor de delles publicaciones sobre los Xuegos Olímpicos, la llei de deporte, la llexislación rexonal, el deporte nes escueles, y amás enseña derechu deportivu na Universidá LUISS en Roma. Como miembru del COI, el 13 de xunetu de 2001 foi unu de los 56 votantes de la candidatura de Beixín a los Xuegos Olímpicos de 2008. Foi comisionado especial pa los Xuegos Olímpicos d'Iviernu en Turín 2006 y pa los Xuegos Mediterráneos de Pescara en 2009. El 9 d'ochobre de 2009 foi escoyíu vice-presidente del COI.
Como políticu trabayó como subsecretariu pal patrimoniu cultural, con especial responsabilidá sobre'l deporte, nel gobiernu de Berlusconi I (2001-05) y Berlusconi II (2005-06). Al empiezu de la XIV llexislatura (2001) foi escoyíu diputáu por Forza Italia y foi confirmáu nes eleiciones de 2006 y 2008. Anguaño ocupa'l cargu de Presidente de la Comisión de la Unión Europea política de la Cámara de Diputaos.
Referencies
Categoría:Políticos y polítiques d'Italia