La Comisión Pontificia pal Estáu de la Ciudá del Vaticanu (en llatín: Pontificia Commissio pro Civitate Vaticana; n'italianu: Pontificia commissione per lo Stato della Città del Vaticano) ye'l cuerpu llexislativu de la Ciudá del Vaticanu. Ta formáu pol Presidente de la Gobernación, quien ye tamién Presidente de la Comisión Pontificia y seis cardenales nomaos pol Papa pa un periodu de 5 años.
Les lleis y regulaciones propuestes pola Comisión tienen de ser sometíes al Papa por aciu la Secretaría d'Estáu primero que se faigan públiques y tomen efeutu. Les lleis, reglamentos ya instrucciones emitíes pola Comisión son publicaes nel Acta Apostolicae Sedis.
Amás del so papel llexislativu, el Presidente de la Gobernación del estáu de la Ciudá del Vaticanu, que dende'l 1 d'ochobre de 2011 ye'l cardenal Giuseppe Bertello, foi delegáu como una autoridá executiva pol estáu de la Ciudá del Vaticanu pol Papa.
La Comisión Pontificia foi creada en 1939 por Pío XII.
Miembros Dende 2011, los miembros de la Comisión Pontificia son: Cardenal Giuseppe Bertello, Presidente *Cardenal Giovanni Battista Re Cardenal Jean-Louis Tauran Cardenal Antonio Maria Vegliò Cardenal Attilio Nicora Cardenal Leonardo Sandri Cardenal Domenico Calcagno
Anteriores miembros Giovanni Lajolo, Presidente ente'l 15 de setiembre de 2006 y el 1 d'ochobre de 2011 Edmund Szoka, Presidente ente'l 15 d'ochobre de 1997 y el 15 de setiembre de 2006 Rosalio Lara, Presidente ente'l 31 d'ochobre de 1990 y el 15 d'ochobre de 1997
Ver tamién
Vicariu xeneral de la Ciudá del Vaticanu
Referencies
Enllaces esternos Estáu de la Ciudá del Vaticanu GCatholic.org
Categoría:Ciudá del Vaticanu Categoría:Comisiones Pontificies Categoría:Congresos y parllamentos unicamerales