Mimma Zavoli ye una política y profesora italiana-sanmarinense. Mientres años trabayó na enseñanza. Ye miembru-fundadora del partíu políticu "Movimento Civico10". Dende 2012 ye diputada del parllamentu nacional "Conseyu Grande y Xeneral".
Anguaño foi escoyida'l 1 d'abril de 2017 pa ser la nueva Xefa d'Estáu de San Marín, xunto a Vanessa D'Ambrosio. Dambes son les primeres muyeres en gobernar xuntes en tola historia del país.
Biografía 200px|miniaturadeimagen|left|Llugar de nacencia. Nacida nel conceyu italianu de Santarcangelo di Romagna el día 13 de febreru de 1963. Cuando yera una neña emigró xunto a los sos padres que yeren llabradores, escontra la República de San Marín. Formóse como profesora de preescolar y al terminar la so formación cimera, empezó a trabayar en guarderíes y colexos. Anguaño ta casada y tien dos fíos.
Na política empezó como miembru del Partíu Demócrata Cristianu Sanmarinense (PDCS) dende 1977 hasta 1989; y mientres esi tiempu perteneció al Conseyu Local (Giunta di castello) de la Ciudá de San Marín.
Depués nel 2012 foi una de los fundadores del partíu Movimento Civico10 y nes eleiciones parllamentaries de payares d'esi mesmu añu, resultó escoyida diputada nel Conseyu Grande y Xeneral de San Marín. Dientro del parllamentu cabo destacar que ye parte de la delegación sanmarinense ante la organización internacional Xunión Interparllamentaria (UIP).
Nes siguientes eleiciones parllamentaries de 2016, foi reelixida diputada y pertenez a la Comisión Parllamentaria de Xusticia ya Interior, al Conseyu de los 12 ("Consiglio dei XII") y continua na Xunión Interparllamentaria.
Anguaño'l día 1 d'abril de 2017, xunto a Vanessa D'Ambrosio foi nomada como nueva Capitán Rexente de la República de San Marín (Xefa d'Estáu), en socesión de Marín Riccardi y Fabio Berardi. Van Caltener el cargu hasta que remate'l periodu de gobiernu establecíu a mediu añu.
Ye la primer vegada en tola historia del país, que tea gobernáu solamente por dos muyeres.
Referencies
Enllaces esternos Ficha Oficial nel Parllamentu Nacional Categoría Oficial nel so partíu
Categoría:Xefes d'Estáu Categoría:Políticos y polítiques d'Italia Categoría:Políticos y polítiques de San Marín Categoría:Profesores d'Italia