El Luchador foi un periódicu español d'ideoloxía republicana espublizáu n'Alicante, ente 1913 y 1939.
Biografía El luchador foi fundáu n'Alicante en 1913 por dellos mozos activistes republicanos, ente los que destacaben Juan Botella Pérez, Carlos Esplá y José Alonso Mallol. La primer redaición del diariu tuvo asitiada na trastienda propiedá de la ma d'Alonso Mallol. Darréu'l periódicu quedó en manes de la familia Botella, siendo dirixíu por Álvaro Botella al pie de los sos hermanos Fermín y Juan. Pela so parte, Carlos Esplá convertiríase nuno de los principales redactores del diariu a lo llargo de la so esistencia. Dende la so creación el diariu tuvo una llinia editorial lliberal y claramente republicana.
Mientres la so esistencia foi un de los periódicos más lleíos d'Alicante, lo que lo convirtió nuno de los principales diarios de la ciudá. Nel contestu del republicanismu alicantín, El Luchador rexuntó o atraxo a munchos activistes republicanos que darréu destacaríen mientres el periodu de la Segunda República. Nesi periodu'l diariu sofitó decididamente al Partído Republicano Radical Socialista (PRRS), que tenía n'Alicante'l so principal feudu políticu. Darréu sofitaría a la Izquierda Republicana (IR) de Manuel Azaña. El periódicu siguió editándose mientres la Guerra Civil, anque sufrió los efeutos de la escasez de papel y la falta de financiamientu.
En mayu de 1938 la so redaición, asitiada na entós cai Ángel Pestaña —güei cai San Francisco—, resultó destruyida mientres el llamáu Bombardeo del 25 de mayo. Anque s'intentó poner en marcha de nuevu la so circulación a partir de setiembre de 1938, l'intentu acabó siendo un fracasu y el periódicu sumió definitivamente.
Notes
Referencies
Bibliografía
Enllaces esternos
Categoría:Periódicos desaparecidos de la Comunidá Valenciana Categoría:Publicaciones fundadas en 1913 Categoría:Publicaciones desaparecidas en 1939 Categoría:Periódicos en castellanu