Ane Hedvig Brøndum na habitación azul, madre de l'artista (en danés: Kunstnerens mor Ane Hedvig Brøndum i dean blå stue) ye una pintura al oleu realizada por Ana Ancher en 1909. Atoparse na coleición de la Galería Nacional de Dinamarca en Copenḥague.
Anna Ancher fixo delles pintures de la so madre, Ane Hedvig Brøndum (1826-1916), que taba casada con un comerciante y propietariu d'hotel Erik Andersen Brøndum (1820-1890). Dempués de la muerte del so home en 1890 fíxose cargu del negociu col so fíu Degn Brøndum, hasta los setenta años d'edá. La semeya ye de la sala azul nel hotel onde vivía y onde ella lleía llibros y cartes. Dellos de les semeyes de Ane Brøndum d'Anna Ancher tienen el cuartu azul como marcu.
Galería
Procedencia De procedencia d'una coleición privada danesa la pintura foi vendida'l 22 d'abril de 1991. Pasó por dellos propietarios y puyes, hasta'l 28 de payares de 2011 que col nome de Señora Brøndum na habitación azul foi mercáu nuna puya pola Fundación Carlsberg y donáu como regalu a la Galería Nacional de Dinamarca.
Europeana 280 N'abril de 2016, la pintura Ane Hedvig Brøndum na habitación azul, madre de l'artista foi escoyida como una de les diez obres artístiques más importantes de Dinamarca pol #proyeutu Europeana.
Referencies
Categoría:Obres d'arte