Dean Edwards Smith foi un entrenador y xugador de baloncestu d'Estaos Xuníos.
Foi unu de los entrenadores más esitosos del baloncestu universitariu d'Estaos Xuníos. Miembru del Salón de Fama de Baloncestu, Dean Smith ye meyor conocíu pol so carerra de 36 años d'entrenador universitariu n'Estaos Xuníos na Universidá de Carolina del Norte en Chapel Hill.
Smith foi entrenador nesta institución dende 1961 a 1997 onde atropó 879 victories pola so carrera. Mientres esti periodu Smith llogró ganar dos campeonatos nacionales (1982 y 1993), amás de numberosos títulos de conferencia nel ACC. Llogró clasificar al so equipu al tornéu de la NCAA 27 vegaes, incluyendo 23 vegaes consecutives. Nos sos 36 temporaes, llogró ganar 50% de los sos partíos 35 vegaes consecutives. Mientres la so carrera, Smith foi bien esitosu en desenvolver xugadores que depués tuvieron ésitos na NBA: Esta llista inclúi: Phil Ford, Walter Davis, Bob McAdoo, James Worthy, Kenny Smith, Brad Daugherty, Sam Perkins, Michael Jordan, Jerry Stackhouse, Rasheed Wallace, Vince Carter y Antawn Jamison.
Amás de formar xugadores, Dean Smith ayudó formar una llista impresionante d'entrenadores de baloncestu professional y universitariu: Billy Cunningham, Larry Brown, Doug Moe, Roy Williams, Bill Guthridge, Buzz Peterson, Jeff Lebo, Matt Doherty y Randy Weil.
En 1976, Dean Smith dirixó l'equipu d'Estaos Xuníos a una medaya d'oru nes Olimpiaes en Montreal.
Referencies
Enllaces esternos Ficha en Sportsreference
Categoría:Deportistes de Kansas Categoría:Entrenadores de baloncestu d'Estaos Xuníos Categoría:Xugadores de baloncestu d'Estaos Xuníos