Yuri Mijáilovich Lotman Ю́рий Миха́йлович Ло́тман foi un llingüista y semiólogu rusu, fundador de la culturoloxía. Ye una figura central de la semiótica cultural y un reconocíu teóricu de la lliteratura ya historiador de la lliteratura rusa. Perteneció a diverses academies europees y americanes y foi doctor Honoris Causa pola Universidá Llibre de Bruxeles y la Universidá de Praga.
Biografía Nació nuna familia xudía acomodada, estudió llingua y lliteratura na Universidá de Leningráu, onde entró en contautu col formalismu rusu. Estudió folclor colos profesores Vladímir Propp y Mark Azadovski, teoría del llinguaxe poéticu col profesor G. Gukovski, historia del movimientu revolucionariu rusu y del pensamientu social rusu de los sieglos XVIII y XIX col profesor N. Mordóvchenko, y asistió a los cursos y seminarios de Borís Eichenbaum, Víktor Zhirmunski o Borís Tomashevski.
En lluchando na Segunda Guerra Mundial y participar en tomar de Berlín, remató en 1950 los estudios de llicenciatura con brilloses calificaciones, pero por causa de les sos rellaciones col so maestru Grigory Gukovsky y de la campaña estalinista antisemita nun llogra la plaza d'aspirante a doctor y recibe namái'l diploma llibre. Marcha pos a Estonia y dende esi añu desenvuelve la so carrera académica na Universidá de Tartu, onde creó una de les más prestixoses escueles de semiótica, la Escuela semiótica Tartu-Moscú. Coles mesmes editó la revista internacional Trudý Po Znákovym Sistémam ("Sign Systems Studies" - "Estudios en Sistemes Semióticos").
Obra Estructura del testu artísticu, Madrid: Ismu, 1978. Estética y semiótica del cine, Barcelona: Gustavo Gili, 1979. Semiótica de la cultura, Madrid: Cátedra,1979. La semiosfera, Madrid: Cátedra, 1996. Alrodiu de la semiosfera, Episteme, 1996. Estructura del testu artísticu, Ismu, 1988. Cultura y esplosión: lo previsible y lo imprevisible nos procesos de cambéu social, Barcelona: Gedisa, 1999. La semiofera III, semiótica de les artes y la cultura, Madrid: Cátedra, 2000.
Ver tamién Semioloxía Semiótica cultural Semiosis Semiosfera
Bibliografía Andrews, Edna 2003. Conversations with Lotman: Cultural Semiotics in Language, Literature, and Cognition. Toronto: University of Toronto Press. Arán, Pampa O.; Barei, Silvia 2006. Texto/memoria/cultura: el pensamientode Iuri Lotman. 2a ed. revisada. Córdoba: L'Espeyu Ediciones. Kull, Kalevi 2011. Juri Lotman in English: Bibliography. Sign Systems Studies 39(2/4): 343–356.
Referencies
Enllaces esternos ELKOST Intl. Axencia lliteraria colos derechos de traducción de tolos escritos de Lotman Elkost.com (n'inglés) Yuri M. Lotman na rede Ugr.es
Categoría:Filólogos y filólogues de Rusia Categoría:Teoría lliteraria Categoría:Semiólogos de Rusia Categoría:Antropólogos y antropólogues d'Estonia Categoría:Escritores d'Estonia Categoría:Persones de San Petersburgu