L'aguarón de clina, crestada o hámster d'Imhaus (Lophiomys imhausi) ye una especie de royedor miomorfu de la familia Muridae.Schenk, J. J., Rowe, K. C., & Steppan, S. J. (2013). Ecological opportunity and incumbency in the diversification of repeated continental colonizations by muroid rodents. Systematic biology, syt050. Ye la única especie viva de la so subfamilia y del so xéneru.
Descripción Mide ente 25 y 36 cm y pesa de 600 a 900 g. Ye un cricétido de gran tamañu con pates curties, cabeza roma, oreyes pequeñes y llarga cola. La so coloración suel ser negru y blancu o marrón y blancu, con rayes y manches, cola parte inferior gris o negra y les manes y pies negro acebache. Carauterízase pola clina eréutil que presenta nel envés. El craniu presenta calteres que son únicos nel royedores.
Distribución y hábitat Alcuéntrase n'África oriental dende'l sureste de Sudán y Eritrea hasta Tanzania, pero la so distribución ye fragmentaria. Habita en montes, semidesiertos, y sabanes, frecuentemente en zones predreses.
Bioloxía Ye una especie nocherniego y arborícola, magar que vive en resquiebros naturales o lluriges. Engata bien anque amodo, pudiendo correr polos tueros cola cabeza escontra baxo.
La so alimentación compónse de toa clase de materia vexetal.
Referencies
Enllaces esternos
Categoría:Lophiomyinae Categoría:Royedores d'África Oriental Categoría:Animales descritos en 1969