Albert Hague foi un músicu, compositor de cantares y actor d'orixe alemán.
Primeros años El so verdaderu nome yera Albert Marcuse, y nació en Berlín, Alemaña, nel senu d'una familia d'orixe xudíu. El so padre, Harry Marcuse, yera psiquiatra y maravía musical, y la so madre, Mimi Heller, campeona d'axedrez.http://www.filmreference.com/film/77/Albert-Hague.html La so familia consideraba que'l so heriedu xudíu yera una desventaxa, polo que foi educáu nes creencies luteranes.
Hague llegó a los Estaos Xuníos en 1939 pa estudiar con una beca na Universidá de Cincinnati. En graduándose en 1942, sirvió nes Fuercies Aérees del Exércitu de los Estaos Xuníos mientres la Segunda Guerra Mundial.
Carrera Hague compunxo la música d'obres representaes nel circuitu de Broadway, como foi'l casu de Plain and Fancy (1955), Redhead (1959), y The Fig Leaves Are Falling (1969, con lletres d'Allan Sherman).
D'ente los cantares qu'escribió, destaquen pola so fama "Young and Foolish", "Look Who's in Love" y "Did I Ever Really Live?" Tamién compunxo la música pa la producción de dibuxos animaos El Grinch: el Cuentu Animáu.
Hague foi tamién actor, destacando pola so participación na serie televisiva Fama, na cual encarnaba a Benjamin Shorofsky, el profesor de música. El papel tenía'l so orixe na película cinematográfica del mesmu títulu. Albert Hague tamién fixo un pequeñu papel nel filme Space Jam,.
Vida personal Hague casóse en 1951 con Renee Orin, una cantante cola que de cutiu collaboraba musicalmente, y que finó l'añu 2000, a los 73 años d'edá, por causa de un linfoma. El matrimoniu tuvo dos fíos.
Albert Hague finó en 2001 por causa de un cáncer nun hospital de Marina del Rey (California). Tenía 81 años d'edá.
Referencies
Enllaces esternos
IBDb Obituariu en New York Times
Categoría:Persones de Berlín Categoría:Compositores d'Estaos Xuníos Categoría:Actores y actrices d'Estaos Xuníos Categoría:Ganadores del premiu Tony