V394 Aurigae (V394 Aur / HD 41429 / HR 2146) ye una estrella variable asitiada al sur de la constelación d'Auriga. De magnitú aparente media +6,08, alcuéntrase aproximadamente a 727 años lluz de distancia del Sistema Solar.
V394 Aurigae ye una xigante colorada lluminosa de tipu espectral M3II.V* V394 Aur -- Semi-regular pulsating Star (SIMBAD) Asemeyáu a π Aurigae —nesta mesma constelación—, la so temperatura superficial ye de 3365 K y ye 873 vegaes más lluminosa que'l Sol. Sicasí, nun ye una estrella masiva; envalórase que la so masa actual ye aproximadamente un 7% inferior a la masa solar. La variabilidá d'esta xigante colorada afayóse en 1991 por L.F. Snyder. Catalogada como variable semirregular de tipu SRC, el so rellumu varia 0,1 magnitúes a lo llargo d'un periodu de 32,896 díes.V394 Aurigae (General Catalogue of Variable Stars)
V394 Aurigae forma una estrella doble xunto a HD 41429B,BD+29 1112B -- Star in double system (SIMBAD) estrella de la secuencia principal de tipu F7V y magnitú +10,3. Visualmente dambes estrelles tán dixebraes 10 segundos d'arcu, separación que nun varió desque Otto Wilhelm von Struve afayó la so duplicidá en 1848.V0394 Aurigae (The Bright Star Catalogue) Dambes estrelles paecen tar físicamente amestaes, siendo la distancia real ente elles cimera a 2300 UA.
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Estrelles binaries Categoría:Constelación d'Auriga