LS Delphini (LS Del)V* LS Del -- Eclipsing binary of W UMa type (SIMBAD) ye una estrella binaria na constelación del Delfín que s'alcuentra cerca de la llende con Vulpecula. Alcuéntrase a 256 años lluz del Sistema Solar.
LS Delphini ye una binaria de contautu de tipu espectral F5/8V o G0V. Nesti tipu de binaries cercanes, por cuenta de la so proximidá, les dos estrelles comparten les sos capes esteriores de gas, anque nel casu de LS Delphini el contautu ye namái marxinal. Les temperatures respeutives de les componentes son 6250 y 6129 K. La más caliente ye un 7% menos lluminosa que'l Sol y tien un radiu equivalente al 79% del radiu solar. Tien la metá de masa que'l Sol ente que la so compañera ye un 25% más masiva que la nuesa estrella. La rellación ente les mases de dambes componentes, q, ye igual a 0,375. La estrella menos caliente ye la más lluminosa con casi'l doble de la lluminosidá solar. El so radiu ye un 23% más grande que'l del Sol. El sistema ye deficitariu en metales en rellación al Sol ([Fe/H]= -0,46) y la so edá envalorada ye de 7100 millones d'años.
Clasificada como variable W Ursae Majoris, la condición de binaria eclipsante de LS Delphini afayóse por H.Y. Bond en 1976. El so rellumu fluctúa ente magnitú aparente +8,61 y +8,76 a lo llargo del so periodu orbital de 0,36384 díes.LS Del (General Catalogue of Variable Stars) Reparóse que dichu periodu varia a lo llargo del tiempu. El planu orbital ta inclináu 45,5º respectu al planu del cielu y los eclises son namái parciales.
Ver tamién Llista d'estrelles variables
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Delphinus